合金

合金係將最少兩隻金屬熔埋整勻，凍返變成固體，保有金屬特性。有時亦會定義做一隻金屬，搭埋金屬、類金屬同其他元素。合金通常同原本成份金屬特性唔同。

青銅劍。青銅係銅、錫合金，係古代常見嘅合金，比銅錫都要硬。

合金通常用來加強金屬某種特性，好似鋼就比鐵硬。

合金因為係混合物，通常都無單一嘅熔點。