古揚邦

古揚邦，香港親中派民建聯政治人物。

政治立場

佢係香港親中派人士，有份支持同贊助荃灣各界慶祝香港回歸祖國23周年活動^[1]。

選舉經歷

1991年，古揚邦曾經加入過當時嘅民主派政黨港同盟，後來因為出選問題退黨參加區議會選舉。

喺2015年香港區議會選舉，佢攞到1,825票，成功當選^[2]。

喺2016年，佢成為香港特别行政區選舉委員會委員（新界各區議會）。之後，佢有份提名林鄭月娥參與2017年香港行政長官選舉^[3][4]。

2019年香港區議會選舉，由於佢所屬嘅民建聯逆民意而行，支持修訂《逃犯條例》，結果佢輸咗比註冊社工陳劍琴^[5]。

喺2021年9月，佢成為香港特别行政區選舉委員會委員(新界分區委員會、地區撲滅罪行委員會及地區防火委員會委員代表)^[6]。

2022年，佢喺李家超無提政綱嘅情況下，有份提名李家超參與2022年香港行政長官選舉^[7]。

部分榮譽

• 2004年10月：行政長官公共服務獎狀^[8]

部分公職

• 中國和平統一促進會香港總會理事^[9]
• 民建聯第17屆執行委員^[10]