南雄

南雄（粵拼：naam4 hung4）喺中國廣東，家下係副地級市，叫南雄市。大宋最先用南雄個名，叫雄州、南雄州。大明時改做南雄府，大清係南雄直隸州，民國係南雄縣。

地理

東北係大庾嶺，有梅關。東便有天柱山，東南有青嶂山^[1]。

南便有湞水，出自東北油山，向南經漿田鎮，同昌水會合。再向西南，左邊納埋平田水、芙蓉水，右邊合埋東溪水，去到長浦橋。呢處北坑水夾橫水向南流入來。水出自梅嶺，又叫做大庾河水。向西夾長潭水，根住西便有樓船水注入，西南又納修仁水，向北納埋半徑水，先至入始興。^[1]

西北，石峽水出分水坳，叫康溪水，入仁化^[1]。

大明時，南雄府有兩縣，治保昌^[1]。

大清時，南雄府響嘉慶十一年，降為直隸州，變成南雄直隸州，搣走保昌縣，淨返始興縣。十六年，又升返做府，十七年又降返做直隸州^[1]。有平田、紅梅、百順三巡司^[1]。有保昌驛。舊時有臨江驛，廢咗^[1]。