卓能集團

卓能集團（港交所：0131）係香港一間地產發展商，喺1963年成立，前身係遠東羊毛纖維有限公司（遠東），由趙世曾做主席兼執行董事，由趙從衍家族，何秀芬、趙式浩經營。

趙家喺未成立卓能集團之前曾經揸住第間地產公司，叫做華光地產，但係到1980年代，趙家嘅本業——航運業開始咗週期式嘅衰退，當時老闆趙從衍決定咗「賣仔救母」，將旗下華光地產賣畀「公司醫生」韋理，而阿仔趙世曾就喺1988年買起另一間叫遠東羊毛纖維嘅殼股，成為依家嘅卓能。