升號

升號sing1 hou6（sharp；♯）喺音樂上係指標示一個音符高一個半音嘅符號，喺五線譜寫喺音符前面，但係喺文字就寫喺音名後面，例如 D♯ 比 D 音高一個半音。

升號。

加咗升號嘅音叫升咗半音^{[註 1]}，中文名係 ｢升｣ 加音名，例如 D♯ 中文叫 ｢升 D｣；中樂有對應概念，叫 ｢清｣，例如 ｢清角｣ 就即係角音升咗少少^[1]。

非西樂傳統

喺土耳其音樂，升號並唔係升半音，而係升四個畢氏音差（少過半音少少），另外有升五個畢氏音差（多過半音少少）嘅符號，同西樂嘅四分之一音升號撞樣^[2][3]。