八桂學派

八桂學派係中國第一個民族學派，喺八桂（而家廣西壯族自治區）地區起源同發展，代表人物都係喺八桂地區活動嘅民族學者，所以叫「八桂學派」。佢嘅創始人係八桂最負盛名嘅歷史學家同民族學家黃現璠。

八桂學派嘅發展史同壯史息息相關。而歷史可以追到二十世紀四十年代尾嘅時候，伴隨住對壯族研究嘅興起，八桂學派就開始形成。由嗰陣時開始，佢嘅發展就持續不斷咁有細幅度嘅進展，直到二十世紀八十年代初嘅時候，因為同新嘅壯學發展相作用而加速發展，直至今日。呢個學派以壯學為研究對象，主張中華各民族文化一律平等。

學派嘅主要學說有「倡導民族平等」、「倡導文化平等」、「倡導理論與實際結合」同「反對規律至上論」。佢嘅治學特點有「重視開拓創新」、「重視田野調查」同「本土化多樣研究法」^[1]。

代表人物

• 黃現璠（1899－1982），喺廣西壯族自治區扶綏縣出世。係中國現代民族學奠基人之一，八桂學派嘅創始人。
• 黃增慶（1918－？），喺廣西壯族自治區武鳴縣出世。係廣西第一位考古研究員，黃現璠嘅學生。
• 羅家安，喺廣西壯族自治區德保縣出世。係著名壯族中醫。
• 班秀文（1920－），喺廣西壯族自治區隆安縣出世。係國醫大師。
• 藍鴻恩（1924－1995），喺廣西壯族自治區馬山縣出世。係中國民間文學研究會副主席。
• 李幹芬，喺廣西壯族自治區扶綏縣出世。係廣西民族研究所研究員，黃現璠嘅學生。
• 蔣廷瑜（1939－），喺廣西壯族自治區興安縣出世。係中國古代銅鼓研究會理事長。
• 覃乃昌（1947－2010），喺廣西壯族自治區宜州市出世。係中國民族學學會副會長，黃現璠嘅弟子。

註

1. 陳吉生撰《試論中國民族學嘅八桂學派》一文，載《廣西社會科學》2008年第7-11期

出面網頁

• 试论中国民族学的八桂学派