信念

信念（粵拼：seon3 nim6；英文：belief）喺知識論上係指認為某樣嘢係真確嘅諗法。

  「Believe」跳轉到呢度。想搵謝霆鋒專輯，請睇「Believe (謝霆鋒專輯)」。

概念

睇埋：知識論

最基本上，知識論上講嘅信念可以定義做^[1]：

「

如果話『阿 A 信 X 呢句主張』，即係話阿 A 認為 X 呢句主張係真確嘅。

」

知識論上講嘅信念唔一定要係經過深思熟慮先建立出嚟嘅，而且亦都唔一定係真確：想像有啲人齋靠都市傳說等（一般認為靠唔住）嘅資訊來源，而相信幽靈或者類似嘅超自然現象；有陣時，信念甚至仲可以係「明明意識到自己搵唔到足夠證據，都仲繼續信」嘅－例如統計數字明顯表示行馬路冇搭飛機咁安全，但有好多人理解到統計學嘅概念又睇埋啲統計數字，都仲係繼續驚搭飛機（驚搭飛機 = 一定程度上信搭飛機唔安全）^[2]。

分析

喺詳細考慮知識嘅定義之前，區分相信嘅具有輕微唔同意義嘅兩個含義係好必要嘅。第一個含義係喺某事缺乏足夠證據時仍相信佢嘅真實性。喺呢個意義上，一個人可能會話「我知道，但我就係唔相信」呢係一種非理性嘅恐懼。

第二個含意中，相信某事就意味住認為其係正確嘅。相信一件事就係單純通過思考。哲學家哋喺探討知識時運用嘅就係呢種相信。呢度嘅邏輯係，一個人想瞭解一件事物，就必須相信佢係真嘅。

如果有人話「我知道 A，但我唔相信佢係真嘅。」從深層含義嚟講，呢個人自相矛盾。

知識同埋信仰同埋觀點唔同。某個人話佢相信一件事係事實，當然佢有可能犯錯誤。對於知識但唔係咁樣嘅。例如，小明認為一座橋係安全嘅並試圖通過佢，不幸嘅係，小明嘅重量令到條橋塌咗，我哋可以話小明相信橋係安全嘅，但佢錯咗。但我哋唔能話佢知道橋係安全嘅，因為橋並唔安全。如果一件事想成為知識，佢必須係真嘅。

同樣嘅，兩個人可以信互相矛盾嘅兩件事，但佢哋唔可以知道兩件互相矛盾嘅事。例如，小明可以相信橋係安全嘅，而同時小剛相信佢唔安全。但佢哋唔可以同時知道兩件互相矛盾嘅事。

睇埋

• JTB 理論

攷

1. Schwitzgebel, E. (2011). Belief. In The Routledge Companion to Epistemology (pp. 40-50). Routledge.
2. Žeželj, I., & Lazarević, L. B. (2019). Irrational beliefs. Europe's Journal of Psychology, 15(1), 1.