作客入波優惠

作客入波優惠（又叫作客入球優惠、客場入波優惠）係喺足球比賽入面嘅其中一種規則，佢一般用喺主客制嘅淘汰賽入面（唔理係先客後主定係先主後客都好）。呢個規則係由歐洲足協喺1965年嗰陣提出嘅。

呢個結果係一般出現喺兩隊之間主客隊兩場對陣先至有，佢係一種決定兩場波夾埋嘅總比分。喺好多比賽入面，作客入波優惠係防止啲比賽兩場波法定時間打嗮之後，每次兩個隊總比分打和就打加時或者互射十二碼嘅局面。

使用範圍

呢個作客入波優惠喺好多大至洲際嘅比賽、細至小型嘅市級聯賽嘅淘汰賽入面（兩回合比賽）都用呢個規定。例如包括亞洲聯賽冠軍盃、非洲冠軍盃、非洲聯盟盃、中國足協盃、中乙聯賽嘅季後賽、FIFA世界盃外圍賽嘅附加賽等都係用呢個規定。

不過唔係每個洲際嘅足球兩回合比賽完嗮之後都係睇作客入波優惠。喺2005年之前南美洲嘅足球聯賽或比賽係唔玩呢家嘢嘅，如果兩隊主客兩回合打嗮都重係打和嘅話，就唔會睇結果直接互射十二碼嘅。家陣嘅南美自由盃雖然話有作客入球優惠，但係如果兩隊主客兩回合打嗮都重係打和，係唔會打加時直接入互射十二碼嘅。不過都有例外嘅國家，巴西足協盃都重係用緊國際通用嘅作客入波優惠嘅。

規則

如果對賽嘅兩隊波打嗮兩場法定時間90分鐘嘅比賽之後，夾埋嘅比分係平手嘅話，咁就睇邊隊作客入得多啲嗰隊就贏。如果都係一樣嘅話就要打加時，再分唔到勝負就互射十二碼，直到分到勝負為止。

亦有啲情況，如果對賽兩隊喺兩場波嘅法定時間都係喺同一個體育場打嗮之後，咁就揀過第二日再喺邊個作客入波多嘅隊嘅所屬主場踢多一次（例如英格蘭足總盃或意大利足總盃）。

例子

兩場和波情況

2001～2002賽季歐洲聯賽冠軍盃四強，利華古遜對曼聯：

• 第一場：曼聯 2-2 利華古遜
• 第二場：利華古遜 1-1 曼聯

利華古遜以作客入波2-1搞掂曼聯打入歐冠決賽。

1971～1972賽季歐洲聯賽冠軍盃第一輪，阿維達貝治對車路士：

• 第一場：阿維達貝治 0-0 車路士
• 第二場：車路士 1-1 阿維達貝治

阿維達貝治以作客入波1-0搞掂車路士打入第二輪。

一贏一輸情況

規則

以下個表係唔同聯賽入面，所用嘅客場入波規則：

第二場打嗮法定時間（全場90分鐘）之後

法定時間內有客場入波？	使唔使打加時？	打嗮加時後計客場入波？	例
係	係	係	世界盃附加賽、歐洲聯賽冠軍盃、歐足協歐霸盃
係	係	唔係	中北美洲冠軍盃、北美足球大聯盟盃季後賽、亞洲冠軍盃、亞洲足協盃
係	唔係	唔適用	南美自由盃、南美足協盃（決賽唔計）、南美冠軍盃、非洲聯盟盃 墨西哥足球超級聯賽季後賽（最後四強開始唔計）
唔係	係	係	英格蘭聯賽盃最後四強
唔係	係	唔係	英格蘭聯賽季後賽最後四強