位元堂

  提示：呢篇文講嘅唔係位元。

位元堂（港交所：0897）係香港一間整同賣中藥嘅公司，喺大清光緒廿三年（1897年）喺廣州開張，1952年將總部搬到香港，避開咗新成立嘅中共政府將佢國有化，2002年喺香港借殼上市。

位元堂荔枝角道總舖

位元堂最出名嘅產品叫「養陰丸」，1980年代搵咗鄭少秋拍電視廣告，入面句歌詞「位元堂，養陰丸，好似太陽咁溫暖」唱到街知巷聞，個廣告先後由李克勤同埋鄭少秋個女鄭欣宜翻拍過。