交易媒介

交易媒介（medium of exchange）喺經濟學上係指錢嘅其中一個重要功能，意思係錢可以攞嚟做交易：錢普遍有價值，所以每個人手上攞住若干量嘅錢，就有得各自噉用自己嘅錢嚟同其他人換嘢；相比之下，好多貨品服務都係冇普遍價值嘅，例如一個鎚仔對做建築工程嘅人嚟講有用，但對一個廚師嚟講就未必噉有用，所以喺一個冇錢嘅經濟體（行以物易物嘅經濟體）當中，一個手上攞住一柞鎚仔嘅人，有得同建築工人同建築工程師做交易，但想要同廚師做交易就難啲。