中華人民共和國中央人民政府同地方政府嘅總稱 From Wikipedia, the free encyclopedia
中華人民共和國政府,係中華人民共和國中央政府,夾埋受佢控制嘅各級政府機構嘅總稱,1949年10月1號成立。
全國人民代表大會理論上相當於其他國家嘅國會,係框架度所謂最高嘅權力機關。國務院係中央政府框架度所謂最高嘅行政機關,相當於其他國家嘅內閣。政府阿頭係國務院總理,有權行使中央人民政府嘅主要職責。
而成個框架實際係受中共中央嘅權力控制著,中共中央同中共中央政治局係有著國家入邊最高嘅中央權力,將政黨意志透過上述權力機關,轉變為國家嘅法律、政策同方針。
中華人民共和國嘅政體係人民代表大會制度。 中華人民共和國憲法名義上規定,中華人民共和國嘅一切權力屬於人民,人民行使國家權力嘅機關係全國人民代表大會同埋地方各級人民代表大會。全國人民代表大會同埋地方各級人民代表大會都由民主選舉產生,對人民負責,受人民監督。
同現今主流國際社會主要採用嘅三權分立制度不同,中華人民共和國採用議行合一制度。全國人大同佢嘅常委會係國家權力機關,國務院係佢嘅執行機關。
![]() | 建議將篇文拆去對中國共產黨嘅評價。(討論) |
有唔少國家嘅政府,都有指控中國政府,話佢哋對外國嘅公司、大學同政府機構,盜取知識產權同機密商業信息,包括傳染病研究等等,以圖令中國繞過漫長同耗費資源巨大嘅研發過程。有啲政府甚至會對一啲中國公民作出拘捕行動[1]。
中華人民共和國中央政府喺中國以外不同嘅海外媒體,以唔同方式宣傳中國共產黨嘅管治或者影響當地華人嘅輿論。近年有越來越多外國傳媒,政府機構同埋官員都開始關注中國政府喺海外傳媒嘅參與,有部份人甚至指控呢啲宣傳混入咗一啲假新聞,其實係滲透,或者稱呼呢啲叫做『中共大外宣』[2]。
有學者質疑,中國共產黨建黨以來直到而家執政,都有篡改中國歷史同自己黨史嘅做法。呢種「修改歷史史實以及相關的概念和定義」嘅做法,俾外界稱做「歷史否定主義」或「歷史修正主義」[3][4][5][6]。余英時等學者話中國共產黨修改後嘅歷史係「偽歷史」[7][8]。
中國近年成為第二大經濟體系,僅次於美國。不過,喺一啲唔同嘅場合入面,中國仍然堅持自己係發展緊國家。由於根據世界貿易組織嘅規定,發展緊國家可享受特殊差別化待遇,所以中國呢個經濟發展身份問題,就成為咗中國同西方國家之間爭議嘅其中一個議題[9][10]。其中美國前總統當奴侵就曾經批評中國,明明有顯著經濟實力,但就攞住發展緊國家嘅地位去獲得利益[11]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.