中共八大元老

中共八大元老，簡稱中共八老或治國八老，指嘅係中國大陸響1980年代尾到1990年代中期間（即鄧小平主政時期）喺政治上擁有實際決策權力嘅八位中國共產黨、中華人民共和國元老政治家。呢個唔正式嘅講法，最早出現喺海外媒體。歷年嚟有關「八老」嘅具體人物各有不同，下面係兩種比較常見嘅講法：

1. 鄧小平、陳雲、彭真、楊尚昆、薄一波、李先念、鄧穎超、王震
2. 鄧小平、陳雲、彭真、楊尚昆、薄一波、萬里、宋任窮、習仲勳

有人認為呢兩個版本適用於唔同時期，即係原八老中部分成員過世後，換入宋任窮、習仲勳同萬里。又有人認為八老入面鄧小平、陳雲同李先念先至係實際嘅當家人，鄧小平有決定權，陳雲有否決權。隨住萬里响2015年7月逝世後，中共元老已成為歷史。