中介變數

中介變數（粵拼：zung1 gaai3 bin3 sou3 | 英文：mediator variable）係統計學上嘅一個概念：如果有三個變數，${\displaystyle X}$、${\displaystyle Y}$ 同 ${\displaystyle Me}$，當中 ${\displaystyle X}$ 能夠影響 ${\displaystyle Me}$，而 ${\displaystyle Me}$ 跟住會影響 ${\displaystyle Y}$，噉 ${\displaystyle Me}$ 就係 ${\displaystyle X}$ 同 ${\displaystyle Y}$ 之間嘅中介變數；要用迴歸分析分析中介效應（mediation effect）最簡單嘅有三個步驟^[1][2]：

1. 用迴歸分析睇吓 ${\displaystyle X}$ 係咪能夠預測 ${\displaystyle Y}$；即係睇吓 ${\displaystyle Y=\beta _{10}+\beta _{11}X+\varepsilon _{1}}$ 當中嘅 ${\displaystyle \beta _{11}}$ 係咪顯著。
2. 用迴歸分析睇吓 ${\displaystyle X}$ 係咪能夠預測 ${\displaystyle Me}$；即係睇吓 ${\displaystyle Me=\beta _{20}+\beta _{21}X+\varepsilon _{2}}$ 當中嘅 ${\displaystyle \beta _{21}}$ 係咪顯著。
3. 用迴歸分析睇吓 ${\displaystyle X}$ 同 ${\displaystyle Me}$ 係咪能夠預測 ${\displaystyle Y}$；即係睇吓 ${\displaystyle Y=\beta _{30}+\beta _{31}X+\beta _{32}Me+\varepsilon _{3}}$ 當中嘅 ${\displaystyle \beta _{32}}$ 係咪顯著，以及 ${\displaystyle \beta _{31}}$ 嘅絕對值係咪細過 ${\displaystyle \beta _{11}}$。

中介效應嘅圖解

多層

一個諗中介嘅統計模型可以涉及多過一個層次嘅變數，即係話當中有啲變數係量度緊某啲個體（例：員工），而高層次嗰啲個體（例：公司）係由低層次嗰啲個體組成嘅。不過一般嚟講，高層嗰啲變數會係預測低層變數數值嘅自變數^[3]。