誤差積聚

誤差積聚（accumulation of errors），又有叫不確定性傳播（propagation of uncertainty），係指一柞變數嘅不確定性（隨機性嘅誤差）影響到基於柞變數嘅函數嘅不確定性；想像一架太空船嘅燃料缸，太空船要監察住自己仲淨低幾多燃料，而廿世紀嘅太空船做法係知道燃料缸滿嗰陣容量係幾多，然後喺每次架船噴燃料嗰時估計問出咗幾多燃料，靠噉嚟計淨低幾多燃料，但噉做有問題－每一次嘅估計都會有個最大可能誤差 $e$ ，喺噴咗 $N$ 次燃料之後，得到嘅估計結果嘅誤差最大可以係成 $e\times N$ 咁多，即係話誤差會隨住做估計嘅次數「積聚」變到愈嚟愈大^[1]。