三菱Fuso Canter

三菱Fuso Canter
三菱ふそう・キャンター
Mitsubishi Fuso Canter
	第八代三菱Fuso Canter（澳門行貨）
廠家	三菱Fuso
又叫	三菱Fuso Colt Diesel; 三菱Fuso FE; Sterling 360; 現代Mighty（英文：Hyundai Mighty）（第5代）; 三菱Fuso Fighter Mignon（闊駕駛室版本）; 日產NT450 Atlas（第8代）; UD Kazet（第8代）;
出產年份	1963年–
組裝	日本
級別	總負載 3.5-8.5公噸
車身	貨車
動力佈局	FR / 4WD
偈	4G52; 4G63; 4P10;
波箱	5MT / 6MT / AMT

三菱Fuso Canter（日文：三菱ふそう・キャンター）係日本三菱Fuso公司製造嘅輕型貨車，早期車名叫做三菱勁達（粵拼：saam1 ling4 ging6 daat6），印尼版本車名叫做Colt。佢喺1978年11月推出嘅第四代車以後，開始出口到其他國家。

Quick Facts 廠家, 又叫 ...

Close

第一代三菱Fuso Canter兩噸輕型貨車，係1963年3月推出嘅T720^[1]。T720使用咗4DQ11A嘅兩公升柴油引擎，可以擁有最大馬力68匹、同埋13.8公斤米嘅最大扭力。包括四前速手動波箱、四點六米長嘅車身設計。1964年開始，車頭燈由兩個圓燈，改成四個圓燈。

1968年1月發售。佢用4DR5嘅油渣引擎，可以擁有最大馬力80匹。同年底推出電油版，可以配有90匹馬力嘅KE42（英文：Mitsubishi KE engine），或者有95匹馬力嘅KE47電油引擎。

1970年7月開始改用V型水箱網造型。

Canter T91A（1970年之前）
KE42引擎

1973年5月發表嘅T200 Canter，車頭指揮燈改為正方形。1975年1月，發售4G52（日文：三菱・4G5系エンジン#4G52 (G52B)）、4G53嘅電油引擎版本。

2013年9月，日本Fujimi公司（フジミ模型）發售1:32嘅原裝模型車^[2]。

第三代Canter（T200）

1978年11月到1985年開始發售嘅FE1 / FE2，配備多種規格。車頭前方指示燈係第二年俾第二代三菱Rosa採用嘅設計。車身外型主打黃色，又叫「黄金キャンター」。主要規格包括2.0 /3.0噸，仲有闊屋（Wide Cab）車款出售。車頭前方改用銀色「M」字商標。1979年8月正式登陸香港市場，車頭中央使用紅色三菱商標，黑色水箱網上以「MITSUBISHI」標示^[3]。

1980年2月開始，闊駕駛室版本可以揀風油軚配備。

1980年11月，1.5噸嘅輕型低床貨車Canter 15（キャンター15）開始賣。

到咗1982年11月發售嘅後期版本，開始追加渦輪油渣引擎。車頭中央使用「MMC」字體（MMC三菱自動車簡稱），黑色鬼面罩上標示「CANTER」。重有孖屋（Double Cab）長陣版、超長陣版。

第四代Canter（前期型）
第四代Canter（後期型）
第四代Canter闊屋版本（後期型）
第四代Canter（歐洲版本）
第四代Canter（紐西蘭）

1985年10月喺日本發表第五代嘅Canter車款，叫做Canter FE3 / FE4，同重型貨車The Great（ザ・グレート）、中型貨車Fighter（ファイター）一樣全數都係方型頭燈設計，車頭上面已改用紅色三菱商標（MMC字樣已轉到車門左邊）。波棍由第四代嘅軚波先改為地波，後來再改為司機位同中間位之間嘅短波棍設計。海外發售嘅初期版本依舊同上代採用四個圓燈，而且車門上頭並未留低MMC個字^[4]。後期嘅Facelift版使用方燈，加埋電鍍飾件。

1986年2月開始出加大碼闊屋貨車Fighter Mignon（ファイターミニヨン），鬼面罩上頭嘅CANTER改用FUSO標示，載重高達四噸至五噸，輸出版本叫做FUSO FH。

1986年7月以後，開始發售4WD版本。1987年1月，1.5噸嘅輕型低床貨車Canter 15改名做Canter Guts（キャンターガッツ）。

第一代Fuso Fighter Mignon（FH100）
第五代Canter 歐洲版本（前期型）
第五代Canter 4WD高床短陣貨車（後期型）
第五代Canter孖屋（後期型）
由第五代Canter改裝嘅衛安解款車

1993年11月改款發售第六代車，鬼面罩上繼續添加CANTER或者MITSUBISHI字樣。1995年3月開始推出第二代Fighter Mignon，2002年6月停售。

1996年2月，喺日本本土推出石油氣版。

1997年6月，Canter Guts添加4G63（日文：三菱・4G63）電油引擎版本^[5]。

1997年9月，喺日本本土推出天然氣版。

1997年12月，4WD版Canter Guts開始賣。

1999年5月，鬼面罩同埋車尾燈作咗小修改。

2007年，日本青島文化教材社（アオシマ／Aoshima）推出1:32嘅原裝組合模型車款^[6]。

第六代Canter（桐生市消防本部）
第二代Fighter Mignon
臺灣版本Canter（前期型）
香港版本Canter（前期型）
孖屋版（後期型）
Canter Guts LPG車

2002年6月18號，第七代Canter改款上市，包括第三代嘅Canter Guts，同年7月開始發售4WD版，11月發售LPG / CNG車。車頭鬼面罩上頭字樣有「CANTER」、「FUSO」或者歐洲版嘅「MITSUBISHI FUSO」。

2006年8月4號，車頭鬼面罩上頭嘅「CANTER」改用「FUSO」，下面嘅三菱商標由紅色改成銀色。第二日，日本首次推出Canter Eco Hybrid（エコハイブリッド）混能貨車，配備全新波箱系統。

2008年響香港推出75周年版本車款，叫做Canter Evolution^[7]。

第七代柴油版同埋混能版Canter，先後喺2010同埋2011年停止供應日本市場，但出口版仍然繼續生產。

第七代Canter（前期型）
第七代Canter（ヤマト運輸）
Canter Guts（日本本土版）
Canter Evolution孖屋版（香港行貨版）
Canter Eco Hybrid物流車
第七代Canter（歐洲版）
Canter Eco Hybrid自動波箱（INOMAT-II）
第七代Canter 4WD（札幌市消防局）

2010年11月11號發表嘅第八代車，首次採用全新開發嘅雙極力子（デュアルクラッチ）DUONIC（デュオニック）六前速自動化波箱，六前速手波改用五前速手波，並配有煞車優先系統，內籠造型主要係出自第七代車。1.5噸版本用咗廿幾年嘅Canter Guts稱呼被廢除，一律稱為Canter。OEM版本嘅車就叫做日產NT450 Atlas（日産・NT450アトラス，2012至2020年賣）^[8]，同埋UD Kazet（UD・カゼット，2014年開始賣）^[9]。

佢喺日本本土首先推出，2011年至開始出口。北美洲係第八代Canter第一個出口市場，由過往以FE、FG作為推銷名，改為以Canter為名銷售。

2012年5月，Canter Eco Hybrid版本推出。

2014年11月推出Canter EX（FED系）原裝加大碼闊屋版本^[10]。

2015年9月，Canter沿用嘅DUONIC波箱升級為DUONIC 2.0（デュオニック 2.0）。

2017年9月15號正式發表電動版「eCanter」，分別喺日本、美國同埋歐洲發售。

2020年10月，三菱Fuso發表採用「Fuso黑帶」車嘴嘅Canter，同年11月開始喺日本賣，2021年開始有出口版。2023年3月，建基於呢個Canter版本嘅第2代「eCanter」電動貨車喺日本開售。