User:Xander9527/999
From Wikipedia, the free encyclopedia
波音747-8係美國波音制造嘅一款大型寬體飛機,即係波音747系列嘅第四代、又係最新嘅衍生型號,而且佢係而家唯一仲會接受落訂、開工製造嘅型號。波音747-8喺美國歷史上整過最大隻嘅客機、同時係全世界機身最長嘅客機。 波音喺2005年11月14日話要開發波音747-8,又話新飛機嘅設計會比以前嘅更靜、更環保、更慳油。係咗加多啲載客量,機身增長到76.4米,取代空中巴士A340成係咗世界上機身最長嘅客機[2]。 波音747-8可以分係兩個型號,分別係:747-8洲際飛機(747-8I),即係架客機;同埋747-8貨機(747-8F)。 波音747-8洲際飛機喺三級艙佈置下最多可以載467人,最長可以飛8,000海里(14,815公里),巡航速度係0.855馬赫[3]。由於747-8係747-400嘅衍生型號,咁所以啲機師進行機種轉換訓練啲時間少咗,飛機某啲零件更加可以共用添[4]。第一架波音747-8洲際飛機喺2011年2月13日正式亮相[5]。 美國政府都決定將空軍一號總統專機升級使用波音747-8,將會喺2023年正式服役,取代而家架747-200B。 波音747-8貨機係由747-400ERF改過嚟,可以載154美噸(合國際單位制140噸)貨物,機鼻貨艙能夠打開並且向上掀開方便裝卸貨物。747-8F嘅載負量比起747-400F高出咗16%,標準貨櫃數量亦都多出咗7個咁多。第一架貨機喺2010年2月8日首飛[6]。 747-8I係第一架攞到ETOPS-330認證嘅四引擎客機。