向日葵(粵拼:hoeng3 jat6 kwai4;學名:Helianthus annuus),第個名係太陽花(taai3 joeng4 faa1)或葵花(kwai4 faa1);佢係菊科向日葵屬嘅一年生草本植物,原產地喺北美洲,而家喺全球嘅熱帶或亞熱帶、溫帶地區都可以搵到。
名
形態
植物可以生到1~3米半咁高。莖比較直,圓形兼多棱,質地比較硬兼有白粗硬毛。而葉係綠色嘅蛋形結構,先端比較尖,葉邊有粗鋸齒兼兩邊粗糙。花序係盤型,可去到30cm咁闊,有好多苞片響度,排成好似啲瓦噉;一般喺每年夏天開花。而結果方面,花序邊生中性嘅黃色,好似條脷噉嘅花係唔結果,但係花序中間係兩性嘅啡或暗紫色,好似條管噉嘅花係可以結果。果嘅樣比較瘦,好似個方蛋形噉,果皮係灰或黑嘅木質品種。
習性
呢種植物係幾禁有太陽嘅地方度生,甚至喺爛地、鹼性地、旱地都種得。而溫度適應性方面都幾犀利下,既可以喺熱辣辣嘅天氣度生,又可以喺凍冰冰嘅天氣度生。適應溫度範圍係2~44℃。
用途
向日葵嘅花可以俾人睇,佢嘅果同籽有好多油,都幾香下。既可以炒熟嚟食,又可以榨油。市面上賣嘅葵瓜子就係喺呢種花出嘅。另外,佢嘅花托、梗稈、果殼都可以用嚟做工業原料,佢嘅花瓣可以浸茶。
藥用價值
向日葵邊個部位都係藥。佢嘅根、梗、葉、莖髓、花,核都可以做藥。
部位 | 功效 |
---|---|
籽 | 滋陰,止痢,透疹。 |
花盤 | 養肝補腎,降壓,止痛。 |
葉 | 截瘧 |
根/莖髓 | 清熱利尿,止咳平喘。 |
向日葵追住太陽嘅原理
向日葵之所以追住太陽嘅方向嚟行,係因為花盤下邊條梗有種好特殊嘅植物生長素,有背光同遇光兩個生長素嘅特徵。而背光生長素多過遇光生長素,加上生長素可以刺激到細胞嚟生兼加快分裂同繁殖。
喺每日朝早,太陽從東邊出嚟嗰時,向日葵嘅花盤下邊嘅生長素去曬西邊,重刺激背光嗰邊嘅細胞繁殖,而背光嗰邊生得重快過有光嗰邊,之後成個花盤向太陽度彎。由於太陽從東向西移,而喺梗嗰度嘅植物生長素都跟住太陽轉,所以向日葵識追住太陽嘅方向。
文化
向日葵喺全球各地,尤其係文化界都好出名下。
泰國葵花節
喺泰國嘅華富里府,由於嗰度係泰國最大嘅向日葵種植地,喺每年11月1號~12月31號,嗰時當地開始搞葵花節[1]。
俄羅斯國花
喺俄羅斯,因為從19世紀開始,向日葵嚟咗沙俄。從嗰時開始,啲人一直到而家為止,好多人都鍾意向日葵,所以而家,俄羅斯嘅國花就係向日葵[2]。
烏克蘭國花
喺烏克蘭,由於大範圍種咗向日葵,加上佢嘅花同籽已經成為烏克蘭嘅國家標記,所以而家,烏克蘭嘅國花係向日葵[3]。
做個創世神嘅遊戲道具
向日葵數
喺1979年嘅歐洲數學界入面,曾經研究過向日葵數。佢一般用喺計極坐標[6]。
壁畫
喺全球各地,有時喺壁畫度都見到有向日葵出場嘅。
相
註
有關嘅書
出面網頁
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.