寶麗多

寶麗多係英國唱片公司，今下環球唱片品牌，西洋文寫Polydor。環球音樂食咗寶麗金之前，係寶麗金一個品牌。公司一九一三年成立，原本係德國公司，喺萊比錫。然而寶麗多個名，一八八七年已經用，用喺音樂盒。

嘜

一九四一年，寶麗多落入德國公司西門子手。一九五四年，喺英國開咗寶麗多唱片有限公司。一九六二年，西門子同飛利浦合作，旗下唱片合成寶麗金。之後就好多唱片用寶麗多名義出。

寶麗多品牌，世界各地都有歌手。

香港

一九七〇年，寶麗金要喺香港開公司，三月十七號，成立寶麗多有限公司，英文名Polydor Limited。一九七一年，買咗香港嘅鑽石唱片。唔少當紅歌手以寶麗多個名出碟，好似許冠傑咁。一九七九年，二月九號，公司轉名寶麗金唱片有限公司，英文名PolyGram Records Limited，三月二號，加埋唐字名，開始用寶麗金名義出碟。飛利浦賣咗寶麗金畀人，一九九九年四月廿三號，改名環球唱片有限公司，英文名Universal Music Limited。