G 力(英文:gravitational force equivalent,g-force)係指造成「有重量」嘅感覺嘅加速度(每單位質量嘅力),當中 1 個單位嘅 G 力相當於一般地球環境下人感覺到嘅重力加速度[1]。
![Thumb](http://upload.wikimedia.org/wikipedia/commons/thumb/b/b0/Load_factor_and_the_g-force_in_turn.svg/320px-Load_factor_and_the_g-force_in_turn.svg.png)
過山車分析
打戙嘅 G 力係指(由乘客嘅角度睇)向上或者向下嘅 G 力:
- 正 G 力係指「由上而下」嘅 G 力-當一架列車向下衝去到最低點,下一刻要向前直去嗰陣,乘客同列車嘅慣性會令佢哋傾向繼續向下郁,但條路軌變平咗[註 1]令到佢哋冇得繼續向下郁,於是乘客就會感受到一股向上嘅力(好似下圖嗰個淺綠色箭咀噉);過山車設計上認為,有返咁上下勁嘅正 G 力(明顯大過 1 G)係可以令乘客有興奮嘅感覺嘅,但勁得滯嘅 G 力可以危害人命-一般嚟講,超過咗 5 G 咁勁嘅正 G 力經已可以令人暈低[3][4],而一過咗 10 G,冇著特別保護裝備嘅人就會死亡[註 2]。下圖個深綠色箭咀係乘客同列車嘅重量。
![Thumb](http://upload.wikimedia.org/wikipedia/commons/thumb/c/cc/CoasterH%3D2.5rforces.gif/320px-CoasterH%3D2.5rforces.gif)
- 負 G 力係指「由下而上」嘅 G 力-當一架有返咁上下動能嘅列車衝上斜,去到最高點嗰陣,乘客同列車嘅慣性會令佢哋傾向繼續向上郁,但條路軌變平或者開始向下斜令到佢哋冇得繼續向上郁,於是感受到一股向下嘅力(下圖班乘客仲舉高埋雙手),會或多或少噉有股「飄浮緊」嘅感覺;過山車設計上認為,負 G 力可以令乘客有無重感同興奮感,但亦有一定嘅危險性-一般嚟講,負 G 力大過 2 G 經已會出現流鼻血等嘅徵狀,大過 3 G 就會令個人視力模糊,而過咗 5 G 就有可能會冇咗對眼珠同死亡[3]。
![Thumb](http://upload.wikimedia.org/wikipedia/commons/thumb/2/2a/Behemoth_roller_coaster_near_top%2C_August_2018.jpg/640px-Behemoth_roller_coaster_near_top%2C_August_2018.jpg)
打橫嘅 G 力會喺架列車掟彎嗰陣出現-想像家陣有架列車以快嘅速度向前衝,然後條路軌轉彎,架列車就要跟住轉,同時乘客同列車嘅慣性會令佢哋傾向繼續向前郁,但路軌方向變搞到佢哋焗住要跟住方向變,於是感受到一股打橫(向左或者右,視乎條路軌轉邊面)嘅力;一般嚟講,打橫嘅 G 力係過山車工程師想避免嘅嘢-經驗表明,打橫嘅 G 力勁過 0.2 G 經已會令乘客覺得頭暈甚至想嘔,而呢種體驗一般都唔係過山車想追求嘅興奮感[5];因為噉,喺過山車設計上,架車掟起彎上嚟(尤其係如果掟彎嗰陣速度會快)會用到傾斜轉彎(banked turn)嘅技術[6],意思即係條路軌會咬彎少少,等架列車以傾斜咗嘅姿勢嚟掟彎(好似下圖嗰個例子噉),令到一部份嘅打橫 G 力變成正 G 力,減低乘客頭暈唔舒服嘅危險[7]。
![Thumb](http://upload.wikimedia.org/wikipedia/commons/thumb/6/66/Dragon_Kahn%27s_Banked_Turn.jpg/640px-Dragon_Kahn%27s_Banked_Turn.jpg)
註釋
參考資料
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.