2009年太平洋颱風季熱帶氣旋
From Wikipedia, the free encyclopedia
呢部分嘅時間係東八區時間(UTC+8)。
提議合併呢篇文或者呢段嘢去『2009年太平洋颱風季』。 |
下面有曾經喺2009年太平洋颱風季出現過嘅部份熱帶氣旋。
自2009年太平洋颱風季開始以嚟,呢個颱風季總共產生咗34個熱帶氣旋。而喺6月至8月初期間,大多數嘅熱帶氣旋都係從西太平洋移入中國南岸、東南沿海同埋台灣,而8月中期後,受中國北方較強嘅高氣壓影響,大多數熱帶氣旋都係向西太平洋中心向北移動,向日本方向移動,而且唔會登陸,大多數嘅都係喺海上自然消散或者轉化為溫帶氣旋。直至9月中期,先開始再有熱帶氣旋吹襲南海地區同埋台灣。重有,喺西太平洋上直至9月16號,所發現嘅最高持續風速達到聯合颱風警報中心嘅3級颱風程度嘅所有熱帶氣旋全部都係中途轉向北移動,吹向日本海域。踏入9月中期後,受中國大陸較強嘅高壓區影響下,華南地區已經開始入秋,陸地濕度同海水溫度都下降,熱帶氣旋亦開始變得難以形成,自最近於白令海消散嘅超強颱風彩雲後,曾經有一段時間冇熱帶氣旋出現。喺西太平洋出現,掠過呂宋進入南海之後,居然有三個熱帶氣旋(18W、芭瑪同埋茉莉)同時喺西太平洋海面上形成,連同早前進入南海中部嘅凱薩娜,做成「四颱共舞」嘅景象。