From Wikipedia, the free encyclopedia
第三屆行政長官選舉,係喺2007年上半年舉行嘅香港特別行政區行政長官選舉。選舉由800人組成嘅選舉委員會投票,由一位或者多位候選人之中,揀出下一任行政長官。由於立法會修訂咗《行政長官選舉條例》,加入信任投票制度,所以今次就算只得一個人有足夠提名,仍然需要投票。
參選人要係香港特別行政區永久性居民嘅中國公民,無外國居留權;實齡夠40歲;喺香港連續住夠20年。參選人最少要有100人簽名提名佢先可有資格選。成個選舉最多可以用HK$9,500,000。
喺第二屆行政長官選舉嗰陣因為得一個候選人獲有效提名,結果唔使投票董建華就自動當選;之後喺2005年香港特別行政區行政長官補選都係「一人參選」。所以今屆公民黨同民主黨決定積極參與選舉委員會選舉,希望透過間接選舉而成功令候選人關注選民所關心嘅課題,唔會單單為商界服務。令次選舉,由800人選舉委員會選舉開始。
兩黨代表公民黨梁家傑喺2006年11月6號宣布角逐。
2007年1月31號,梁家傑喺中環遮打花園宣佈得到111個選委提名,夠晒參加行政長官選舉[1]。2月10號,梁家傑佈取得123名選委提名。2月14號,即提名期正式開始首日,梁家傑即前往提交選委提名表格,共取得132個提名,成為第一個確認嘅候選人[2]。佢個競選口號,中文係「誰想去贏一場沒有對手的競賽?」,"Who wants to win a race without competition?"。
2007年1月22號以「正積極考慮及預備參加行政長官選舉」名義,好高調咁坐行政長官專車,去到灣仔東亞銀行港灣大廈嘅「曾蔭權競選辦公室」。佢要到2月1號先至正式參選[3]。2007年2月5號佢宣布拎到多過450名委員提名。佢個競選口號,中文係「我會做好呢份工」,而英文 "I'll get the job done!"。
2007年香港特別行政區行政長官選舉提名期由2月14號到3月1號。
2007年香港特別行政區行政長官選舉投票日喺3月25號喺亞洲國際博覽館舉行。香港政府今次響呢度搞,係因為會展爆棚,投票要移去博覽館搞。嗰日上晝9點到11點係第一輪投票。如果無人得到過半數有效票,就會喺下晝兩點到四點舉行第二輪。如果仲未有人過半數,夜晚上7點到9點,再搞第三輪。
喺呢次選舉,800名選委(當中有四人身份重覆,另外一人死咗)當中總共有789名選委攞咗選票,投票率係99.1%。在投票箱內嘅788票中,有效選票佔772張,另外有11張空白票,4票冇用印章蓋印,一票同時蓋咗印喺兩名候選人嘅空格上。另外有一張空白嘅選票放咗喺投票間地下,冇放進投票箱內[4]。事後梁國雄話嗰張票係佢攞嘅,佢本來想當眾撕毀選票,以表達對小圈子選舉嘅不滿,但畀工作人員制止,所以佢將空白選票丟喺地下。
各候選人得票情況如下[5]:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.