麥理浩夫人度假村

麥理浩夫人度假村（英文：Lady MacLehose Holiday Village）係香港一度假營同宿營營地，歸康樂及文化事務署管，喺西貢北潭，行政上歸西貢區。全日開放。

麥理浩夫人度假村
起好	1981年
國家	中華人民共和國
位處政區	西貢區
地點	北潭涌
麥理浩夫人度假村嘅位置
[改維基數據]
睇 傾 改

營舍

營有地三公頃二， 容得落二百六十八人，有營舍、各種康樂場地同飯堂。營舍為平房，各處高高低低。平房都係獨立屋，有客廳、有睡房，有廁所，有花灑沖涼。三到十五人一間^[1]。地處偏僻，周圍烏燈黑火，故此啱晒睇星，開埋觀星臺，唔少愛好者都入營睇星。香港太空館喺營中設咗天文望遠鏡，叫西貢遙控天文台，可以網上睇到^[2]。

入營有分日營、黃昏營同宿營^[1]。

1981年啟用，命名自時任香港總督麥理浩爵士個老婆麥鄧麗娉。

史

營原址為起萬宜水庫嗰陣嘅工程師宿舍^[3]。水塘1979年起好，當時香港總督麥理浩好郊野，決定將宿舍用地改成營地。並且得到鄧肇堅捐一半興建經費二百萬港元，項目得以成事^[4]。個營係香港首個開畀大眾用嘅公眾度假村，自始市民就有郊野戶外康樂休憩場地^[4]。香港政府以麥理浩爵士伉儷而名，有如二人熱衷郊野遠足。1981年1月8號，度假村經麥理浩同鄧肇堅等人見證下，由港督夫人麥鄧麗娉主持揭幕啟用儀式^[4]。

自2003年起，耐唔耐就借用做臨時疫症隔離中心。

設施

營內康樂設施有泳池、健體站、射箭場、歷奇挑戰站、繩網陣、觀星臺、運動攀登牆、禮堂、籃球練習場、活動室、網球場、康樂室、多用途球場、閱讀室、羽毛球場、卡拉OK室、壁球場、兒童遊樂場、乒乓波室、室內兒童遊戲室、小型高爾夫球場、電視遊戲室、自行車場、手工藝室、卵石路步行徑、桌球室、植物研習徑、電視室、雀鳥徑、餐廳、蝴蝶徑、燒烤場^[1]。

攷

1. 〈麥理浩夫人度假村〉。
2. 〈西貢遙控天文台〉。
3. 〈康樂及文化事務署麥理浩夫人度假村營友須知〉 (PDF)。原著 (PDF)喺2008-09-20歸檔。喺2008-10-31搵到。
4. 〈港督麥理浩夫人主持首個家庭渡假村開幕禮〉，《工商日報》第六頁，1981年1月9號。

出面網頁

• 官方網頁

22°24′29″N 114°19′17″E