香港嘅特色街名
From Wikipedia, the free encyclopedia
香港交通嘅四通八達、錯綜複雜、馬路眾多,根據地政總署嘅紀錄,已經刊憲嘅街名同埋因為年代太久遠而無刊憲嘅街名,再加上無刊憲嘅私家路,總共有超過1萬5千條。[1]直到2017年9月,香港馬路嘅總長度達到2,107公里。而香港馬路嘅名可以話喺五花八門。因為香港曾經喺英國嘅殖民地,所以當中有部份馬路名用咗英國地名或人名嚟做路名,不過喺英國管治嘅時候,亦有唔少馬路用咗中國地方名或城市名嚟做路名,呢種中西文化滙聚,互相包容,亦成為香港嘅特色嘅一部分;仲有,有啲馬路名就用咗一啲吉祥嘅字或者詞嚟做路名。亦有唔少喺因應香港開埠以來各行各業嘅興起,或者配合當地社區嘅發展而改嘅馬路名。