![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Zwei_zigaretten.jpg/640px-Zwei_zigaretten.jpg&w=640&q=50)
煙仔
From Wikipedia, the free encyclopedia
煙仔,又叫香煙、煙(英文:Cigarette,來自法文「cigarette(細雪茄)」。雪茄來自西班牙文同埋葡文嘅「cigarro」;而「cigarro」來自瑪雅文「siyar」) [1],係一種用紙包住切碎咗嘅煙絲,卷成圓筒型或者圓錐形嘅消費品。煙仔同水煙、雪茄一樣係煙草產品。
![Thumb image](http://upload.wikimedia.org/wikipedia/commons/thumb/3/32/Zwei_zigaretten.jpg/320px-Zwei_zigaretten.jpg)
吸煙者點火令煙仔嘅其中一端悶燒,再由另一端透過煙嘴或者直接用口吸入煙氣。大多數現代製造嘅煙仔都係用加工過嘅煙葉同埋好多其他添加劑製成[2]。
通常大家所講嘅煙仔,係指用煙草捲嘅煙仔,但係有時都可以用嚟指類似嘅物品,例如「丁香煙」或者「大麻煙」。煙仔同雪茄嘅區別,主要係煙仔嘅尺寸細過大部分雪茄,用切碎同加工過嘅煙葉,用捲煙紙包裹。雪茄通常由成塊煙葉製造。
煙仔舊時認爲係時尚,不過家下認爲係毒品,燒起嘅化學物質,有害身體,會引致心臟病、肺癌等病。而當中含尼古丁,係種興奮劑,令人上癮。煙仔上癮,就叫煙癮,係好難戒甩。