青嶼幹線

青嶼幹線（英文：Lantau Link），係香港8號幹線一部份，連接位於大嶼山同青衣島。全線都係三線雙程分隔公路。

青馬大橋

馬灣高架路

汲水門大橋

青嶼幹線响1997年4月27號由前英國首相戴卓爾夫人、香港總督彭定康、布政司（中文：布政司）陳方安生主持開幕儀式，5月22號正式通車。

青嶼幹線係目前唯一連接大嶼山同香港其他地區嘅陸路通道，由青馬大橋（連接青衣同埋馬灣）、馬灣高架路同汲水門大橋（連接馬灣同埋大嶼山）組成。幹線全長3.5公里，分上下兩層行車。兩條橋嘅露天上層係三線雙程分隔快速公路，有蓋嘅下層就係兩條港鐵機場快綫同東涌綫嘅路軌，同埋兩條喺緊急時使用嘅單線行車道路。車速限制為每小時80公里，而下層行車道路為每小時50公里。

響正常情況下，下層行車道路唔會開放使用。只會響特別情況下，例如路段普遍吹強風，上層道路封閉等，先至會開放使用。下層行車道路並唔連接馬灣。打風期間，更會考慮全線封閉。

收費

青嶼幹線通車嗰時，啲車經荃灣區欣澳收費站，西行（往大嶼山方向）唔使畀錢，東行（往市區／新界方向）先至要畀錢。馬灣連接路通車之後，經荃灣區馬灣收費站，東行（往市區／新界方向）唔使畀錢，西行（往馬灣方向）先至要畀錢。

由2020年12月27號，即係屯門-赤鱲角隧道通車嗰日開始，青嶼幹線唔再係大嶼山連接市區嘅唯一道路，行青嶼幹線改成唔收錢。

睇埋

• 青嶼幹線訪客中心及觀景台