電子遊戲詞彙表
From Wikipedia, the free encyclopedia
呢個電子遊戲詞彙表係電子遊戲上常用嘅詞彙一覽[註 1][e 1][e 2],集中講啲多數遊戲類型都會用到嘅概念。
廿一世紀嘅電子遊戲設計同製作係高度專業化嘅領域,途中用到-呢個表當中有提及嘅-數學、程式編寫同人工智能等領域上嘅知識。因為遊戲設計同製作咁專業,受過訓嘅遊戲設計師同製作師需要對呢啲詞彙有返咁上下熟,並且用呢啲詞彙作出專業性質嘅討論同埋諗點樣製作出好玩嘅 game [1](由英文借咗入粵語作粵拼:gem1)。
呢個表提到嘅概念有唔少喺第啲媒體嘅遊戲(圖板遊戲同紙牌遊戲呀噉)當中都會用到[2]:Ch. 8。噉係因為電子遊戲、圖板遊戲同紙牌遊戲等各種媒體嘅遊戲嘅設計冚唪唥都屬於遊戲設計以及遊戲製作嘅範疇,同樣涉及個遊戲嘅設計者設定隻遊戲嘅規則同外觀,務求令玩家開心過癮。而一位覺得過癮嘅玩家會願意使錢,買嗰隻遊戲同隻遊戲嘅相關產品-呢樣嘢廣泛噉被視為遊戲設計同製作嘅重要目標[3][4]。