陳沛敏

陳沛敏，香港資深傳媒人，1992年喺香港中文大學新亞書院工商管理學院畢業，之後做過《資本》雜誌月刊記者、《星島日報》港聞版記者同埋《蘋果日報》港聞版高級記者、副採訪主任、總編輯、副社長^[1]。佢嘅丈夫係《立場新聞》總編輯鍾沛權。 ‎

喺蘋果日報同壹週刊停刊事件入面，香港警察引用北京政府喺全國人大常委會繞過立法會強行訂立嘅《港版國安法》，拉咗包括陳沛敏在內5名壹傳媒嘅高層。拘捕嗰陣，警察無公佈到底邊啲文章內容犯禁，連正式檢控都未有就凍結壹傳媒幾個唔同嘅銀行戶口^[2]。事件引發到國際嘅關注，香港人同國際社會普遍認為香港嘅言論同新聞自由蕩然無存。

參考

1. 〈陳沛敏走訪亞洲新視野〉。原著喺2015年9月23號歸檔。喺2021年6月27號搵到。
2. 〈【杜耀明評論】《蘋果》受難見證香港法制的不堪〉。Radio Free Asia (英文)。喺2021-06-27搵到。