From Wikipedia, the free encyclopedia
陳廷驊博士,OBE(Dr Chen Din-hwa,1923年—2012年6月16號)係香港企業家,祖籍浙江寧波。陳廷驊有「棉紗大王」之稱,生前擔任南豐紡織聯合有限公司同埋南豐發展有限公司主席。
陳廷驊阿爸以經營布廠為業,陳廷驊20幾歲已經係上海同寧波三間商業機構總經理。1949年移民香港,1954年創辦南豐紡織有限公司。1969年南豐改組,成立南豐紡織聯合有限公司,重喺1970年正式招股上市。同年成立「陳廷驊基金會」,喺香港同埋中國內地捐助醫療、教育同埋福利事業。陳廷驊篤信佛教淨土宗,尤其樂意捐巨貲大力支持佛學傳佈。1976年陳廷驊進一步開拓業務,唔單止喺海外好似美國、星架坡、馬來西亞等地進行投資,同時亦喺香港斥資幾千萬緡向太古洋行買入鰂魚涌地盤,起南豐新邨,自此喺地產界奠立穩固基礎。1992年陳廷驊連續發行15種備兌認股證,不出幾個月,股市大幅下調,陳廷驊眼光獨到,被譽為「備兌認股證大王」。
陳廷驊亦致力於保存國粹,提倡京劇,唔單止喺內地資助搞戲劇學校,培養新秀,亦成日贊助知名京劇團去香港演出,對中國傳統藝術嘅倡導同埋香港文化生活嘅提高貢獻良多。陳廷驊喺1997年攞到英帝國官佐勳銜(OBE),重成為中國文化部最高文化藝術發展獎得主。此外,陳廷驊重係蘇浙、寧波、甬江、上海四所同鄉會永遠名譽會長,多種慈善基金會名譽會長或者理事,香港特別行政區第一屆政府推選委員會成員同埋明天會更好基金信託委員會成員,重擔任香港各界慶祝回歸委員會副主席。
年近古稀,陳廷驊已經慢慢將南豐集團嘅掌控權移交畀尐女。1995年陳廷驊患咗腦退化症,2008年11月畀高等法院宣佈佢係「精神上無行為能力人士」(mentally incapacitated person),按《精神健康條例》委任會計師託管佢嘅資產。陳廷驊一早已經立咗遺囑,將接近95%遺產納入名下慈善基金,淨係留返5%分畀屋企人。
2010年,陳廷驊榮獲福布斯香港富豪榜第八位。同年12月17號陳廷驊以每股作價5.6緡,增持6.59億股遠洋地產,涉資36.9億,令佢喺遠洋地產嘅持股量大增至21.89%,成為第二大股東。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.