![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/71/Khanda.svg/langzh-yue-640px-Khanda.svg.png&w=640&q=50)
錫克教
From Wikipedia, the free encyclopedia
錫克教(英文:Sikhism)係喺十六世紀印度西北部旁遮普地區,一個叫納那克祖師嘅人始創嘅一個宗教。最初錫克教係為咗調和印度教同伊斯蘭教嘅衝突而產生出嚟,試圖以和平、溫和嘅方式建立一個超越教派嘅統一宗教。但後來由於錫克教出咗個叫「卡爾沙」嘅軍事教團,令錫克教變成一個崇武嘅宗教。
![Thumb image](http://upload.wikimedia.org/wikipedia/commons/thumb/7/71/Khanda.svg/320px-Khanda.svg.png)
![Thumb image](http://upload.wikimedia.org/wikipedia/commons/thumb/1/14/HK_SikhTemple_1938_Bldg.jpg/640px-HK_SikhTemple_1938_Bldg.jpg)
錫克教係一個一神論宗教,祖師納那克認為,神係宇宙唯一創造者、全能全知、公正仁慈,而且係唯一、永恆,至於其他唔同宗教所敬拜嘅神,只係同一個神有唔同嘅稱呼咁解。錫克教反對偶像崇拜同儀式,所以錫克廟入面唔會有任何神像,只有一本《阿底格蘭特》。《阿底格蘭特》係錫克教嘅聖典。
錫克教有套祖師制度;佢哋認為祖師係神嘅使者,人一定要喺祖師指導之下修行,先可以解脫。錫克教徒鍾意一齊食飯,呢個習慣來自佢哋集體就餐制度。錫克教 5K 制規定唔畀剪頭髮或者鬍鬚,所以一世人都唔會飛髮,留到頭髮長一長,出街時捲埋一個蛇餅,然後用布包實,即係廣東話叫嘅「包頭」。