軌道𨋢

軌道𨋢（orbital elevator），又有叫太空𨋢（space elevator），係廿世紀嘅一種工程學構想。

一幅畫描繪想像中穿越雲層嘅軌道𨋢。

一部軌道𨋢會有一條好粗嘅纜，條纜其中一端固定咗喺地面，而另一端就一路延伸到去大氣層外面嘅空間嗰度，而且喺太空嗰端仲連住一嚿有返咁上下質量嘅物體，嗰嚿物體會圍住地球、以同地球自轉一樣嘅角速度公轉（所以會永遠對住地表嘅一個位置）。而有咗呢條噉嘅纜，地表嘅人就可以（例如）唔使用火箭，而係開纜車直接載人同貨物上去太空嗰度。