宋徽宗趙佶(1082年—1135年)係北宋第八位皇帝。
宋徽宗畫像
宋徽宗趙佶係宋神宗第十一個仔,阿媽係欽慈皇后陳氏。佢阿哥宋哲宗喺紹聖三年(1096年)封趙佶做端王。[1]
元符三年(1100年)正月宋哲宗過身,由於哲宗冇仔,宋神宗皇后向太后支持由趙佶繼位,雖然有章惇反對,但係章惇都係拗唔過向太后,而且冇乜人企喺章惇嗰邊,於是就由趙佶繼位。[1]
宋徽宗相對於宋朝前代各個皇帝,政績並唔突出。例如佢在位嗰陣,就動用大量資源採辦「花石綱」,搜集奇花異石運到汴京,喺皇宮起園林[2]。1120年方臘喺江南作反,到1122年先畀政府軍完全平息曬。
宋徽宗睇見遼國唔夠新崛起嘅金國打,佢想攞返燕雲十六州全部,就唔理同遼國嘅「澶淵之盟」,喺1120年同金國訂立「海上之盟」,約定夾攻遼國。但係宋軍連就嚟亡國嘅遼軍都打唔贏,最後係金軍佔領埋本來約定由宋軍攻佔嘅大同同燕京。金國睇到宋朝嘅軍隊唔掂,就有咗入侵宋朝嘅想法,終於喺宣和七年(1125年)十月,金軍分兩路入侵宋朝。[3]十二月,徽宗傳位畀佢個仔宋欽宗,自己做太上皇,由個仔去應付。
宋靖康元年、金天會四年閏十一月(1127年1月),金軍攻陷汴京,之後捉咗宋徽宗、宋欽宗兩個皇帝,史稱「靖康之變」。
天會五年二月,金國將徽欽二宗眨做庶人。[4]
1128年(天會六年)農曆八月廿一日,徽欽二宗到咗金上京會寧府,畀金國分別封做昏德公同重昏侯;[4]同月廿四日,兩位皇帝同埋家眷都坦胸赤背、身披羊皮,跪拜金太祖廟,行「牽羊禮」,去乾元殿拜謁金太宗完颜吳乞買(完顏晟)。
1135年宋徽宗病死喺金國[5]。死後追加謚號叫做體神合道駿烈遜功聖文仁德憲慈顯孝皇帝,葬喺永佑陵。
宋徽宗雖然唔係出色嘅皇帝,但佢好擅長藝術。佢成立咗翰林書畫院,即係當時嘅宮廷畫院。又以繪畫作為科舉考試嘅內容,主持咗一啲藝術書籍嘅編輯,好似《宣和書譜》、《宣和畫譜》、《宣和博古錄》等等。
佢獨創咗一種書法,又瘦又有力,姿態優美又大方,俾後世人稱為瘦金體。歷代書法家都認同佢係一種成熟嘅書體,兼有人模仿。
《宋史‧徽宗本紀》咁樣評論宋徽宗:「宋徽宗諸事皆能,獨不能為君耳!」[6]。
瑞鶴圖
芙蓉錦雞圖
桃鳩圖
臘梅山禽圖
聽琴圖
祥龍石圖
欲借風霜二詩帖
小楷千字文
草書千字文
詩帖
后妃
- 顯恭皇后王氏
- 顯肅皇后鄭氏
- 懿肅貴妃王氏
- 賢妃韋氏
- 貴妃喬氏
- 貴妃劉氏
- 貴妃劉氏
- 淑妃崔氏
- 淑儀金弄玉
- 淑容裴氏
- 淑容陳嬌子
- 充儀申觀音
- 充儀左寶琴
- 充容劉氏
- 充容秦懷珊
- 充媛席珠珠
- 充媛奚巧芳
- 貴儀金秋月
- 貴儀朱桂林
- 昭儀朱素輝
- 昭容李珠媛
- 昭容王三寶奴
- 昭媛鄭媚娘
- 修儀陸嬌奴
- 修儀蔣敬身
- 修容黃寶琴
- 修容毛朱英
- 修媛陳大和
- 順儀曹柔
- 順容徐散花
- 順容周鏡秋
- 婉儀林月姊
- 婉容王月宮
- 婉容任金奴
- 婉容閻寶瑟
仔
宋徽宗一共有32個仔,其中7個夭折咗。
- 大仔---宋欽宗趙桓,阿媽顯恭皇后王氏
- 二仔---袞王趙檉,夭折咗
- 三仔---鄆王趙楷,阿媽懿肅貴妃王氏
- 四仔---荊王趙楫,夭折咗
- 五仔---肅王趙樞
- 六仔---景王趙杞
- 七仔---濟王趙栩
- 八仔---益王趙棫,阿媽貴妃劉氏
- 九仔---康王趙構,即係宋高宗
- 十仔---邠王趙材,夭折咗
- 十一仔---祁王趙模,阿媽貴妃劉氏
- 十二仔---莘王趙植,阿媽懿肅貴妃王氏
- 十三仔---儀王趙樸
- 十四仔---徐王趙棣
- 十五仔---沂王趙㮙
- 十六仔---鄆王趙栱,夭折咗
- 十七仔---和王趙栻
- 十八仔---信王趙榛,阿媽貴妃劉氏
- 十九仔---漢王趙椿,夭折咗
- 二十仔---安康郡王趙屋
- 二十一仔---廣平郡王趙楗
- 二十二仔---陳國公趙機,夭折咗,阿媽懿肅貴妃王氏
- 二十三仔---相國公趙梃
- 二十四仔---瀛國公趙樾
- 二十五仔---建安郡王趙柍,阿媽貴妃劉氏
- 二十六仔---嘉國公趙椅,阿媽貴妃劉氏
- 二十七仔---溫國公趙棟
- 二十八仔---英國公趙楒,阿媽貴妃劉氏
- 二十九仔---儀國公趙桐
- 三十仔---昌國公趙柄
- 三十一仔---潤國公趙樅
- 三十二仔---韓國公趙相
女
宋徽宗有34個女[7]
- 嘉德帝姬
- 榮德帝姬
- 安德帝姬
- 茂德帝姬
- 成德帝姬
- 洵德帝姬
- 顯德帝姬
- 順德帝姬
- 儀福帝姬
- 柔福帝姬
- 保福帝姬
- 仁福帝姬
- 惠福帝姬
- 永福帝姬
- 賢福帝姬
- 寧福帝姬
- 和福帝姬
- 令福帝姬
- 華福帝姬
- 慶福帝姬
- 純福帝姬
- 順淑帝姬
- 壽淑帝姬
- 惠淑帝姬
- 安淑帝姬
- 崇德帝姬
- 康淑帝姬
- 榮淑帝姬
- 保淑帝姬
- 悼穆帝姬
- 熙福帝姬
- 敦福帝姬
- 申福帝姬
- 恭福帝姬
- 崇國公主,阿媽顯恭皇后王氏
- 沖懿帝姬,阿媽懿肅貴妃王氏
《大宋宣和遺事》卷六十五記載:「王赫平時公然賣官,取贓無數,京師歌謠雲:三百貫,曰通判;五百索,直秘閣。」
《宋史·徽宗本紀》:「二年二月丁卯,金人脅帝(指徽宗)北行。紹興五年四月甲子,崩于五國城。」