贛江(贛讀禁,粵音:gam3 gong1)係長江支流,佢打橫穿過江西,係江西最大嘅河。贛江一年嘅流量,比黃河重要大,但係因為一年落嘅雨唔平均,所以贛江嘅河床唔深,航運冇乜發圍。
贛江又叫過灨或淦。
贛江嘅源頭有兩個。東便有武夷山黃竹嶺嘅貢水,係綿水同湘水匯合而成嘅。另一個係出自大庾嶺嘅章水。章、貢兩條河喺贛州匯埋之後,就叫贛江喇。贛江會再向北流,路過吉安、樟樹、豐城同南昌,入長江度就係鄱陽湖嘍。贛江全長991公里,佢條支流長751公里,總流域面積 8.35 萬平方公里。
贛州同新淦將贛江分成三份,贛州上面喺贛江嘅上游,嗰度四維都係山地,主要嘅河有湘水、濂江、梅江、平江、桃江、上猶江等等,呢啲江最後都係通通流入章水同貢水裏頭。贛州到新淦箇段,係贛江嘅中游,起頭水流好急,去到吉泰盆地就慢得多。箇陣主要有東西兩頭,有孤江、遂川江、蜀水、禾水、瀧水匯入來。新淦下面就係贛江嗰下游,箇度冇幾多山,所以水唔太急,箇段匯入來嘅有袁水同綿河。
整個贛江流域氣候都唔錯,雨落得好密,一年能有1400到1800毫米。好幾年嗰平均年徑流量達到687億立方米,水能蘊藏量360萬千瓦。100到300噸嗰船響幹流上面,都可以成年通行。贛江上便有江西最大嘅水電站,萬安水電站。
贛江同北江上嗰大余、南雄隔得咁近,所以1936年粵漢鐵路通車以前,贛江一直係駁住長江同珠江嘅最主要通道。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.