蚩尤

蚩尤係中國神話傳說中嘅部落首領，喺黃帝嘅對頭人。由於佢所顯示嘅威力已經成為戰爭嘅同義詞，甚至乎畀人尊稱作戰神。

蚩尤（漢代石刻）

簡介

蚩尤係中國上古時期九黎族嘅首領，相傳有八十一個手足兄弟（或者係七十二個）。佢哋都喺銅頭鐵骨，以沙石為食，而且驍勇善戰，勢力強大。

逐鹿之戰

蚩尤製造五兵之器用嚟變化雲霧，大霧足足瀰漫咗三日。黃帝九次作戰都輸畀佢，三年以嚟都冇任何成果。《龍魚河圖》記載黃帝打唔贏蚩尤，就仰天而嘆。上天派遣玄女授予黃帝兵信神符，靠「玄女」嘅力量打贏蚩尤。某啲講法係黃帝得到風后做嘅指南車喺大霧裏面認清方向，先打低蚩尤。

蚩尤嘅下落結局，傳說多稱佢兵敗之後畀黃帝斬首，首級化作血楓林。其他講法話佢係兵敗之後臣服於黃帝，並掌管軍事。

後代

蚩尤嘅部落族人四散，有一部分嘅族人投靠炎黃部落之後，成為華夏族嘅一分子；重有一部分南遷，成為今日嘅苗族、羌族等多個民族。