蘇丹(粵拼:sou1 daan1,阿拉伯文:السودان;英文:Sudan)全名蘇丹共和國(阿拉伯文:جمهورية السودان;英文:Republic of Sudan)係非洲一國,國土面積188萬平方公里,係繼剛果民主共和國同埋阿爾及利亞之後非洲面積第三大國,2022年人口約莫4,668萬,首都喀土穆人口約莫700萬。
蘇丹位於非洲東北部,紅海西岸。北鄰埃及,西接利比亞、乍得、中非,南毗南蘇丹,東接埃塞俄比亞、厄立特里亞。東北瀕臨紅海,海岸線長約720公里。蘇丹全國氣候差異好大,自北向南由熱帶沙漠氣候向熱帶雨林氣候過渡,最熱季節氣溫可達50℃,全國年平均氣溫21℃。長年乾旱,年平均降雨量唔夠100毫米。蘇丹地處生態過渡帶,極易受旱災、水災同沙漠化等氣候災害。
蘇丹歷史悠久,早喺4,000年前就有原始部落居住。1899年,蘇丹成為英國同埃及嘅共管國,至1956年1月1號宣佈獨立,成立共和國。1969年5月25號,尼邁里軍事政變上台,改國名為蘇丹民主共和國。1985年4月6號,達哈卜軍事政變上台,改國名為蘇丹共和國。2011年1月,蘇丹南部舉行獨立公投,98.83%選民支持獨立。7月9號,南蘇丹獨立建國。
蘇丹全國共設18個州,分別係喀土穆州、北方州、尼羅河州、紅海州、卡薩拉州、加達里夫州、傑濟拉州、森納爾州、白尼羅河州、青尼羅河州、北科爾多凡州、南科爾多凡州、西科爾多凡州、北達爾富爾州、西達爾富爾州、南達爾富爾州、中達爾富爾州同埋東達爾富爾州。
蘇丹係聯合國公佈世界最唔發達國之一,經濟結構單一,基礎薄弱,工業落後,對自然環境同埋外援依賴性強。受益於石油大量出口同埋借助高油價拉動,蘇丹經濟曾一度成為非洲經濟發展最快嘅國之一。2011年南蘇丹獨立對蘇丹經濟產生衝擊。近年來,蘇丹國內物價上漲,通貨貶值,財政收入銳減。為消除消極影響,蘇丹政府一方面逐步加大對水利、道路、鐵路、發電站等基礎設施以及教育、衞生等民生項目嘅投入力度;另一方面,努力改變財政嚴重依賴石油出口嘅情況,將發展農業作為長期戰略。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.