蔣孝嚴

蔣孝嚴（1942年3月1號—），原名章孝嚴，台灣政治人物，響廣西桂林出世，係蔣經國同二奶章亞若生嘅私生孖仔入面嘅大佬^[1]（又有人話佢係郭禮伯個仔，2020年又有人話佢老豆係王繼春），曾經做過國民黨副主席、立法委員、總統府秘書長、國民黨秘書長、行政院副院長、外交部部長等等。依家佢已經淡出政界，輪到佢個仔蔣萬安做政治人。

蔣孝嚴
個人資料
配偶	黃美倫
仔女	蔣萬安、蔣蕙蘭、蔣蕙筠
父母	蔣經國（老豆） 章亞若（阿媽）
親屬	蔣介石（爺爺） 章孝慈（孖生細佬）
母校	國立新竹高級中學（依家臺灣省立新竹中學） 東吳大學 喬治城大學政治學碩士 布魯塞爾自由大學

細個經歷

蔣孝嚴原本叫章孝嚴，係蔣經國嘅私生仔（又有人話佢係郭禮伯個仔，2020年又有人話佢老豆係王繼春），跟阿媽姓。但響同年八月佢阿媽突然死咗，變相要由舅父章浩若同舅母紀琛養，佢哋重登記成兩兄弟嘅老豆阿媽^[2]。響國共內戰期間，佢阿婆帶兩兄弟由桂林落台灣新竹，由阿婆、細舅父章渙若同細舅母章向鳳妹繼續養。佢響嗰度讀咗臺灣省立新竹中學（依家國立新竹高級中學）同埋東吳大學。

之所以佢係蔣經國私生仔呢點有咁多人信，因為佢係跟蔣家族譜改嘅「孝字輩」。

攷

1. 〈民國第二大謎案：蔣經國的二夫人章亞若被害之謎〉 (香港中文)。原著喺2020-05-26歸檔。喺2020-05-19搵到。
2. 〈蒋家门外的孩子第一章 遥遥归宗路·哀哀赤子心 -免费在线阅读欣赏 - 读书频道 - 金融界〉。web.archive.org。2013-11-14。歸檔時間2013-11-14。喺2020-05-20搵到。{{cite web}}: CS1 maint: bot: original URL status unknown (link)