荃灣青衣島小輪

荃灣青衣島小輪係小輪來往荃灣嘅荃灣碼頭同青衣島嘅青衣碼頭，原本係油蔴地小輪辦，後尾夾埋荃灣到中環嘅船一齊行。油蔴地小輪唔做之後，由港九小輪接辦，家下已經無船做呢條綫。

青衣碼頭

史

荃灣同青衣島之間嘅航綫，喺第二次世界大戰前就有。因為打仗嘅關係，兩個碼頭都整壞咗。1949年5月1號油蔴地小輪恢復條綫，收三毫，唔分頭等定三等，半個鐘一班^[1]。

1998年9月20號，中環荃灣經青衣嘅小輪航綫，由於1月油蔴地小輪要求，投標後改由港九小輪接辦^[2]，收12蚊。之不過，2000年7月1號因太少人坐停辦^[3]。

參攷

1. 《荃灣青衣島小輪　下月恢服行走》。《香港工商日報》。香港。1949-04-29。
2. 〈中環至荃灣（經青衣）渡輪服務〉。《新聞公報》。香港政府。1998-09-18。
3. 〈中環——荃灣渡輪服務周六起停航〉。《新聞公報》。香港政府。2000-06-29。