肥（Obesity）係講人有過量肥膏，影響健康，令人短命或帶病。太肥叫癡肥，要減肥維持健康，要做運動同節食。
肥嘅標準不時係用身體質量指數（BMI）嚟衡量，即係體重（公斤）除以身高（公尺）嘅平方:6 。西方人認為BMI大過30 kg/m2 就係肥，介乎25到30 kg/m2就係過重；一啲東亞國家採用更嚴格嘅標準，例如中華民國行政院衛生署（而家衛生福利部）喺2002年4月公佈，成人BMI≧27 就係肥，24≦BMI＜27 就係過重[1]。但幼兒並唔適合用成人嘅BMI標準來評量[2]。
肥胖會增加心血管疾病、第二型糖尿病、睡眠窒息症、某啲癌症、退化性關節炎同其他疾病發生嘅機會。而造成肥胖嘅主要原因通常包括熱量攝取過多、欠缺運動同體質問題等，其他例如基因缺陷、內分泌異常、藥物影響同精神疾病亦可能造成肥胖。有講法認為「肥胖嘅人係因為代謝慢，所以即使食得唔多亦會越嚟越肥」，但係直到目前為止科學證據傾向唔支持呢種論點。由於維持體重增加所需嘅能量，肥胖者能量消耗會比正常人多[3][4]。
成因
人之所以會肥，成因可以有好多。
事實表明，成日飲同食甜嘢係會令到一個人吸收多咗好多糖份嘅，而攝取太多糖份往往會引致癡肥等嘅問題。
口痕搵嘢食亦被指會引致肥胖。一個人每次口痕搵嘢食都可以搞到佢一日多咗 200 至 300 卡路里。每日食兩三次已經會多咗成 600 至 900 卡路里—平常嘅成年女人每日需要 2000 卡路里左右，而平常嘅成年男人就每日需要 2500 卡路里左右[5]，即係話一個人習慣咗口痕就去搵嘢食，分分鐘（喺卡路里吸收上）等同每日食多咗一餐。事實係健康方面嘅研究試過觀察啲減肥成功後肥返嘅人，發現佢哋之所以會肥返，其中一個主因就係佢哋習慣口痕搵嘢食[6]。
睇埋
參考
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
