細菌
原核生物嘅一域,係地球上最早出現嘅生命形式之一 / From Wikipedia, the free encyclopedia
細菌(粵拼:sai3 kwan2,Bacteria)係一種生物細胞。佢構成咗大範圍嘅原核微生物。通常細菌長幾微米,但有啲品種,可以長到去幾厘米。細菌乜形都有,例如係球形、棍形、螺旋形。細菌係地球上最早出現嘅生命形式之一,而且存在喺地球大部分嘅棲息地。細菌棲息喺泥土、水、酸性溫泉,放射性廢物同地殼深層生物圈度[2]。細菌重同植物同動物有住共生同寄生嘅啦掕。研究細菌嘅學科嗌做細菌學,係微生物學嘅一個分支。
細菌
| ||
---|---|---|
物種分類 | ||
| ||
放線菌門 Actinobacteria(高G+C)
產水菌門 Aquificae
酸桿菌門 Acidobacteria | ||
喺人類同大多數動物,腸入面嘅細菌數量最多,而皮膚上嘅細菌都好多[3]。免疫系統嘅保護作用令到體內絕大多數嘅細菌都係冇害,甚至一啲腸道菌對人係有益嘅。但係,幾種細菌都係令人病性,而且有傳染性,包括霍亂、梅毒、炭疽、麻風同鼠疫。最常見嘅致命細菌性疾病係呼吸道感染。齋係結核病每年就搞到約莫200萬人死,其中大部分都係喺撒哈拉以南嘅非洲地區。[4]抗生素畀人用嚟醫細菌感染,重用喺農業生產度,令到抗生素抗藥性成為一個日益嚴重嘅問題。喺工業上,細菌喺污水處理同漏油嘅分解、通過發酵生產芝士同酸奶、採礦業嘅金、鈀、銅同第啲金屬嘅回收、同埋抗生素同第啲化學品嘅製造度起到緊要嘅作用[5][6]。