紅豆冰

  提示：呢篇文講嘅唔係紅豆沙。

紅豆冰係一種用紅豆調製嘅嘢飲，喺廣東、香港同臺灣流行。

香港舊式茶餐廳嘅紅豆冰，圖中嘅大型冰塊而家已經好罕見，多數用碎冰代替

紅豆冰係起源喺香港嘅冰室，概念起源自中式甜品紅豆沙。做法係將紅豆同糖煮成嘅紅豆糖水雪凍後，加入淡奶同冰塊。早年冰塊係用一個鐵造嘅冰刨喺生冰磚上刨出冰花（叫做刨冰），後來呢種造法因衛生嘅關係被取締，所以改用製冰機造出來嘅冰粒，現時大多改用碎冰代替。

紅豆冰有時會被加上一球雪糕，叫做雪糕紅豆冰。