穿梭機

穿梭機係運送貨物來回唔同地方嘅大件架生，有好多唔同嘅意思。科幻作品入便有時空穿梭機，可以往返唔同嘅時空，返到去以前，或者去未來世界。呢啲幻想出嚟嘅嘢而家係冇辦法實現嘅。

太空梭概念圖

家下嘅真正嘅穿梭機，係一挺運送人、貨物、人造衛星呢啲嘢往返地面同太空嘅飛機。佢同太空船又唔同，太空船嘅主體用過一次就冇用，下次用又要再造新嘅太空船。而太空穿梭幾就好似普通嘅交通工具噉用完再用。喺冷戰時期蘇聯同美國都設計製造過太空穿梭機。蘇聯生產過一架，但淨係飛過一次；美國生產過五架，周不時發射運啲太空人同埋貨物往返國際太空站，2011年7月已經全部退役。

動力

同普通嘅飛機唔同，穿梭機主要係用火箭引擎同火箭助推器做動力嘅。

往返飛行方式

太空穿梭機降落機場。

發射嗰陣時直立豎起，點着火箭直立飛向太空。返地面嗰陣，表面嘅隔熱層阻止機身畀快速飛行嘅穿梭機同大氣層磨擦產生嘅高溫燒壞。進入低層大氣嗰陣機身擺平，同普通嘅飛機一樣滑翔，響常規跑道降落，機尾彈出減速傘用嚟減低飛行速度。