積古

積古（法文：Gigue；意大利文：Giga）係一種源自英格蘭積舞曲（Jig）傳過去法國而形成嘅生動舞曲，拍號係 3/8 或者 3/8 嘅複合節拍（6/8、9/8 或者 12/8 呀噉），會有好多三個一組嘅八分音符（好似下圖嗰個例子噉；呢點好似積舞曲），音樂速度上通常偏快，尤其係意大利嘅積古特別快；喺組曲當中，基格通常會做最終樂章。啲人跳積古嗰陣通常係一對對男女成雙成對噉跳嘅，好似芭蕾舞嘅雙人舞噉^[1]。