禮記雪糕

禮記雪糕（Lai Kei Ice Cream）係澳門一間老字號嘅冰室同雪糕品牌，喺1933年由鄺禮敬先生創辦。最初嗰陣時係推架手推車喺路邊度擺賣雪糕，後尾佢從街邊搬咗去店鋪內，喺1960年代就搬咗去望德聖母堂同水坑尾街附近一段啲荷蘭園大馬路商鋪去做直到而家重做緊。 ^[1]

禮記雪糕飲冰專家

簡介同埋歷史

• 1933年，禮記雪糕正式創辦，初期以手推車喺路邊度擺賣雪糕。
• 1960年代，搬咗去近望德聖母堂同水坑尾街一段荷蘭園大馬路商鋪現址繼續去做落去。 ^[2]
• 1970-1980年代，禮記雪糕創辦人唔單只研發出紅豆雪條、雪糕磚同埋雪糕三文治等出名嘅產品，而佢更家親自設計”孖辮妹”商標作為呢個雪糕品牌嘅標誌。
• 目前，禮記雪糕由第三代傳承人鄺永燦先生去做，店內外充滿著懷舊同埋樸素嘅風格，而喺介紹中就話呢間鋪頭係澳門碩果僅存嘅冰室之一。 ^[3]

著名產品

• 紅豆雪條
• 雪糕磚
• 雪糕三文治
• 雪糕杯
• 雪糕飲品（只可以堂食）
• 蛋捲（已經唔賣）

相關事件

禮記餅家告禮記雪糕案

2022年3月7號，澳門特別行政區終審法院就對一宗關於商標——「禮記Lai Kei」註冊申請上訴案作出咗裁決。系判決書到指出禮記雪糕嘅商標系由「禮記Lai Kei同埋一個細路女嘅圖像組成」，並且系享有呢個聲譽嘅商標，故此確認拒絕「相似」商標註冊嘅決定。又指，持有「禮記Lai Kei同埋一名細路女嘅圖像組成」呢個商標嘅店鋪（即：「禮記雪糕」）被「澳門特色老店評定委員會」評定咗系「澳門特色老店」，「屬澳門歷史悠久嘅店鋪同埋具有特色嘅商標，而享有聲譽嘅商標會增加消費者對相似嘅商標產生咗混淆嘅風險，因為呢個馳名商標會為消費者留低左更持久嘅記憶」。 ^[4]

終審法院院長辦公室系2022年3月7號哥日公佈呢單案件嘅詳情，判左原告 (甲方，禮記餅家) 敗訴。 ^[5]

攷

1. 〈澳門特色老店 - 禮記雪糕〉。澳門特色老店。原著喺2022年3月8號歸檔。喺2022年3月8號搵到。
2. 〈禮記雪糕 - 歷史〉。《禮記雪糕》。喺2022-03-08搵到。
3. 〈澳門特色老店 - 禮記雪糕〉。澳門特色老店。原著喺2022年3月8號歸檔。喺2022年3月8號搵到。
4. 〈「禮記LAI KEI」商標註冊惹爭議 終院：「禮記雪糕」商標享有聲譽 不應有相似商標〉。《論盡媒體 AllAboutMacau Media》。2022-03-07。喺2022-03-08搵到。
5. 〈因與享有聲譽的商標相似 終院確認拒絕商標註冊的決定〉。終審法院院長辦公室。澳門特別行政區新聞局。2022-03-07。喺2022-03-08搵到。

拎

• 禮記雪糕網頁
• 澳門特色老店 - 禮記雪糕