珠江隧道

珠江隧道（粵拼：zyu1 gong1 seoi6 dou6）係中國廣東省廣州市第一條跨過珠江嘅隧道，喺荔灣區。呢條隧道重係中國大陸第一條用沉管法嚟設計施工嘅大型水底隧道。

連接位置

呢條隧道嘅南邊出入口喺上芳村，連接花地大道；北邊出入口喺荔灣區黃沙，同內環路、六二三路接埋一齊。

長度

全長1238.5米，其中河中間嗰段全長475米，係南北走向嘅。

落成時間

呢條隧道喺1990年10月14號開始喐手起，到咗1993年12月28號起好嗮重通埋車添。

歷史

喺1993年12月28號通車之後，芳村嘅對外交通都唔再靠行珠江大橋嚟往返啦。甚至重頂埋珠江大橋嚟通去佛山、南海嘅交通要道添。由於呢條橋係佛山、南海嘅交通要道嘅關係，所以日日都經常有好多車行呢條隧道過河嘅，車流量從5.5萬曱車激增到105.5萬曱，搞到政府想話整如意坊隧道同埋洲頭咀隧道嚟緩解呢條隧道嘅壓力。