無着庵
From Wikipedia, the free encyclopedia
無着庵（粵拼：mou4 zoek6 ngam1/am1，尼瓦爾文：अँगपमअं）係廣東廣州一間師姑庵，位置喺越秀區德政中路麗水坊50號。呢間庵最早喺1667年起。[1][2]
以前又嗌無着地（mou4 zoek6 dei6）。「無着」呢個名係由來機禪師改嘅，分別有「清淨無貪著」同「天親法侶」噉解。[2]
明代時，庵址本來係某個尚書屋企，大清康熙六年（1667年），天然和尚個妹來機禪師喺大東門附近嘅麗水坊買咗笪地，起咗呢間庵堂。根據《番禺縣續志》「鼎建無著庵碑記」記載，佢地用佐十一年起佐佛殿、祖殿、禪堂、觀音閣、齋堂等，仲有住房三十幾間，放生池一口，總面積八畝幾。工程費總共白銀三萬五千八百三十両。到道光年嗰時，試過發展到有八房子孫，輪流管理庵裏面嘅常住事務。[2]好長一段時間，呢間庵係省城出名嘅尼眾道場。
民國13年（1924），廣州市政廳以籌餉為名，將無著庵拍賣充公，各房集資大洋五千贖回大殿、僧房等部分，留存規模壓縮近一半。
解放初期，當地幹部要求庵尼交房產稅，每半年要收九十六擔白米或等值物資。庵中出家人解放前主要靠信眾供養或者做法事維持生計，平時又無積蓄，所以交唔起咁貴嘅房產稅。後來同政府部門傾完再傾，终於達成稅項完減輕，但仍然要將部分地方（大雄寶殿、韋陀殿、伽藍殿、地藏殿、宗廳、客廳、祖堂）出租俾民政工廠做車衣工場，再用租金交稅。後來有車衣工人搵尼姑包伙食，咁樣都叫做幫補一下，有微薄收入，助庵堂出家眾渡過艱難歲月。
文革時庵遭搗毀，殿堂房舍分別為廣州市民政工廠、東山區彈簧廠、東山區房管局和廣州市房管局擴大使用或佔用，並將大殿前放生池填平，建起兩座住宅樓房。
1986年，廣州市人民政府批准無著庵恢復開放。廣州市佛教協會請咗寬敬老法師同12位師姑由揚州到廣州主持庵務，並撥出十萬元作重建基金，陸續完成重建，重光佛門。[2]
而家呢間庵佔地面積有3千m²，建築面積5千幾m²。[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
