灣仔站（粵拼：waan1 zai2 zaam6；英文：Wan Chai Station）係一個港鐵站，有港島綫嘅車喺度停，服務灣仔，喺軒尼詩道下面，有五十幾個閘機同埋九個出入口，連住柯布連道條行人天橋，通到去灣仔北。呢個站東行管道出咗站之後曾經裝過動畫廣告。
 灣仔站2號月台 | |
| 站名 | |
| 中文名 | 灣仔站 |
| 英文名 | Wan Chai Station |
| 站代碼 | WAC |
| 基本資訊 | |
| 座標 | 22.277256°N 114.172846°E |
| 車站色 | 橄攬綠 |
| 途經路線 | 港島綫 |
| 站服務時間 | 0553-0111 尾班車時間 |
| 接駁交通 | 巴士、小巴、電車、船 |
| 車站結構 | |
| 站類 | 地底 |
| 月台類 | 側式月台 （分離式月台） |
| 月台數 | 2 |
| 出口數 | 8 |
| 其它設施 | 其它無障礙設施 |
| 地圖 | |
 | |
車站結構
車站樓層
灣仔站一共有4層，地面層係繁忙嘅軒尼詩道同商廈群，車站大堂、商店同埋客務中心等設施位於C層同P1層。
上層月台係港島綫往柴灣方向月台，並設有下層大堂，設有售票機及客務中心等設施，以便疏導繁忙時間龐大嘅人流。至於下層月台係港島綫往堅尼地城方向月台。嗰兩個月台係疊住嘅，一號月台喺正二號月台上面。
| U1 | 柯布連道行人天橋 | 通往灣仔北 （入境事務大樓、中環廣場、香港會議展覽中心、灣仔碼頭） |
| G 地面 |
軒尼詩道 | 出口 |
| L1 大堂 |
大堂 | 客務中心、車站商店 |
| 恒生銀行、自動售賣機、自動照相機、自動櫃員機 | ||
| 「e分鐘著數」機 | ||
| L3 月台 |
路軌 | |
 |
往柴灣 | |
| 下層大堂 | 客務中心、「iCentre」互聯網中心 | |
| L5 月台 |
路軌 | |
 |
往堅尼地城 | |
車站大堂
灣仔站嘅車站大堂設喺修頓中心地底，車站設有10條扶手電梯連接大堂同埋月台、50幾部出入閘機。地鐵公司（家陣叫港鐵公司）為咗解決擠迫嘅問題，灣仔站喺落成之後多次擴建。
現時，灣仔站共分為上、下層大堂，上層大堂主要係出入閘同設置車站商店之用，而下層大堂就放置售票機畀乘客買單程票，同往柴灣方向嘅1號月台同一層。由於下層大堂係後期由收費區改建而成，故此往返上層大堂嘅非收費區通道只有原本通往各月台及大堂嘅樓梯，冇任何扶手電梯或升降機連接，所以少人用啲。
車站商店及自助服務
灣仔站上層大堂設有OK便利店、餅店同埋恒生銀行等車站商店提供零售同銀行服務方便乘客。
此外，灣仔站亦有唔少自助服務設施，包括恒生銀行、中銀香港及Aeon嘅自動櫃員機、自動售賣機、自動照相機等。車站大堂更設有香港郵政郵箱，方便乘客喺車站寄信。
喺互聯網服務上，灣仔站大堂同月台都設有免費由電訊盈科提供嘅Wi-Fi熱點，乘客可以喺等車時透過手提電腦或個人數碼助理（PDA）上網。同時，港鐵於1號月台嘅行人通道設有「iCentre」免費上網服務設施。
另外，車站大堂近A5出口設有1部「e分鐘著數」機，畀乘客買網上服務同埋享用港鐵友禮會嘅會員優惠。
車站月台
灣仔站月台響軒尼詩道地底，設有2個側式月台，並設有月台幕門。1號月台（港島綫往柴灣方向）喺上層，而2號月台（港島綫往堅尼地城方向）喺下層。
車站出口
而家灣仔站一共有9個出口，其中一個直通柯布連道行人天橋，橫跨軒尼詩道、謝斐道同告士打道，直達灣仔北嘅入境事務大樓及中環廣場等地方。
鄰接車站
| 港島綫 | ||
| 堅尼地城 - 香港大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣 | ||
接駁交通
- 電車
- 城巴：
- 1、1P、5B、5X、11、18、18P、23、23B、25、26、25A、37A、37B、40、40M、70、75、90、97、789、A11、E11、E11A、E11B、E11S、N8P、N8X、N11、N90、NA11
- 過海隧道巴士：
- 101、103、104、111、111P、115、182、182X、601、601P、603、603A、603P、619、619X、673、679、680、680X、681、681P、690、900、905、905A、905P、914、930、930A、930B、930X、934、934A、935、936、936A、948、948A、948B、948P、948X、952、952P、960、960C、960P、960S、961、961P、961S、962、962P、962X、968、968A、969、969A、969B、969P、978、978A、978B、980A、980X、981P、982X、985、985A、985B、P960、P968、969N、N121、N182、N368、N373、N619、N680、N691、N930、N952、N962、N969
- 港島專線小巴：
- 10 - 銅鑼灣（謝婓道） ↔ 美景臺 / 大口環（八達通轉乘優惠）
- 11／31 - 銅鑼灣（謝婓道） ↔ 田灣（八達通轉乘優惠）
- 24A - 金鐘站 ↺ 肇輝臺（八達通轉乘優惠）
- 24M - 金鐘站 ↔ 畢拉山（八達通轉乘優惠）
- 其他路線：4A、4B、6、35M
利用狀況
灣仔站響香港灣仔區，灣仔區係個重要嘅商業區同住宅區，鄰近設有好多私人住宅大廈、學校、酒樓、食肆。另外，該站亦近住多個公共服務設施，如修頓球場、修頓遊樂場、修頓體育館、修頓中心、家庭計劃指導會、香港小童群益會等。有唔少跑馬地居民亦會喺灣仔站轉搭地鐵往來其他地區。再加上可通過柯布連道行人天橋，前往位於灣仔北嘅多個辦公大樓，因此每日有唔少返工客進出該站，尤其喺平日星期一至五上下晝繁忙時間，由於有好多政府部門嘅職員（例如入境事務處及稅務局）用呢個站出入，因此車站月台同大堂會出現擠逼。另外由於現時會展中心附近只有灣仔一個地鐵站，所以會展舉行大型展覽嘅時候，都會有大量市民使用本站前往會展中心。
另外，該站至銅鑼灣站之間設有一條側綫。每當港島綫中段出現故障，往柴灣方向嘅上行綫列車將會以該站做臨時總站。到時，前往銅鑼灣站至柴灣站嘅乘客要轉其他交通工具前往。
車站歷史
當設計灣仔站嗰陣，灣仔北一帶據規劃係休憩用地。後來由於香港辦公室用地嚴重不足，灣仔北一帶嘅空地被改做商業區；會展亦選址喺該處。灣仔站喺設計嗰陣並冇預計到會有大量乘客通過柯布連道行人天橋前往灣仔北，所以喺1985年5月31日投入服務後，站內出入口在上、下班時間都非常擠迫。特別係通往柯布連道行人天橋嘅A1及A2兩個出口擠迫程況最嚴重。
為咗解決車站擠迫嘅問題，灣仔站喺落成之後多次擴建。出口由最初嘅5個（即現時之A1至A4 及B1出口）加至8個。其中（A5）出口喺1997年落成，直接連接同時延長過軒尼詩道嘅柯布連道行人天橋，直達灣仔北商業區。
現時，就算灣仔站喺落成之後多次擴建，但當香港會議展覽中心有大型展覽進行，灣仔站就會出現樽頸，需要將人流分流。
站內連接大堂同1號月台嘅電梯數目亦由最初嘅4條增加至6條。連接1、2號月台嘅電動扶梯數目由3條增至4條。另外，為節約能源，本站部份嘅扶手電梯會喺非繁忙時間期間暫停使用。站內嘅出入閘機亦增至超過50部。此外，為免售票機與出入閘乘客互相碰撞，港鐵公司將車站大堂分成上下兩層，將一號月台空置部份同樓梯改做下層大堂，售票機同八達通卡增值機都搬去下層大堂，減少人流碰撞。
隧視廣告
南港島綫
根據地鐵公司原來嘅南港島綫計劃，南港島綫東段喺其中一個方案（方案丙）下將會喺灣仔站設站，灣仔站將會進行擴建，並喺莊士敦道地底興建新月台。假若工程完成，該站將會成為南港島綫東段同港島綫嘅轉車站，方便乘客轉港島綫往返柴灣方向嘅列車。
但根據2007年12月嘅方案，南港島綫東段唔再喺灣仔設站，換言之上述計劃已經擱置。
沙田至中環綫（東鐵綫過海段）
而家起緊嘅沙田至中環綫嘅過海段（紅磡至金鐘段）將會喺灣仔區設會展站，西邊連接金鐘站，東邊過海去到紅磡站同東鐵綫直通運行。到時東鐵綫嘅乘客可以唔使轉車直達會展站，往來灣仔北嘅辦公大樓、會展中心等地，預計可以幫灣仔站分擔一部份乘客。而會展站嘅出口亦會透過灣仔北行人天橋系統連接灣仔站同埋灣仔南部。
上一站‧下一站
列車班次
出面網頁
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
