港珠澳大橋(英文:Hong Kong-Zhuhai-Macao Bridge;葡文:Ponte Hong Kong-Zhuhai-Macau)係連接香港大嶼山、澳門半島同廣東珠海嘅跨海大橋。喺2009年12月15號動工,2018年5月23號竣工,同年嘅10月23號搞咗個開通儀式,跟住喺第日(24號)朝早9點通車;條橋嘅設計壽命係120年。條橋嘅跨海隧道部分係而家世界上最長嘅沉管式隧道、同全世界跨海距離最長嘅橋隧組合公路。港珠澳大橋通車之後,來往香港、珠海、澳門三地嘅行車時間減到少過一個鐘,比起以前嚟講快咗好多,而且唔需要經過深圳同東莞虎門[1]。