測色板
From Wikipedia, the free encyclopedia
測色板(粵拼:cak1 sik1 baan2),又嗌測試圖(cak1 si3 tou4)或測試咭(cak1 si3 gat1),係專門測試電視色水嘅動靜態相,佢嘅原理係畀觀眾調整電視機。
測色板喺黑白電視時代凈用黑同白兩種色,彩色電視時代既用彩色板,又用黑白板。背景聲係古典音樂或鴉雀無聲、或好長嘅[oː]聲[註 1]。有啲電視台會喺播測色版期間,放其它靜態字卡廣告、循環播動態宣傳片、動靜態字幕或圖,轉播其它電視台節目、直接變黑屏、藍屏等其他純顏色屏幕或雪花或冇信號界面。
觀眾好多時喺電視正常啟動且冇乜畫面問題時,見到測色板嘅第一時間反應係熄機或轉台。而家由於電視質量越嚟越好,加上入咗數字電視時代,而且電視台好多時24個鐘都有節目睇,所以家下好少見到測色板或收台嘅畫面。