楊千嬅

楊千嬅（粵拼：joeng4 cin1 waa6；英文：Miriam Yeung；1974年2月3號—）係一個香港女歌手同埋演員，原名楊澤樺。

楊千嬅
女藝人
原名	楊澤嬅（三歲前）
羅馬拼音	Yeung Chin Wah
英文名	Miriam Yeung
花名	千fa、樂壇人瑞、大笑姑婆[1]、楊千嬋
國籍	中國（香港）
籍貫	廣東澄海
出世	(1974-02-03) 1974年2月3號（50歲）  英屬香港養和醫院
職業	歌手、演員
語言	粵語、英語、普通話
教育程度	嘉諾撒聖家學校 嘉諾撒聖家書院 慕光英文書院 瑪嘉烈醫院護士學校
配偶	丁子高（2009年結婚）
仔女	一仔
屋企人	一妹一弟
音樂類	粵語流行曲
出道地	香港
出道日期	1995年， 29年之前 (1995)
出道作品	《三分鐘戀愛熱度》（1996年）
代表作品	歌曲： 《狼來了》（1996年） 《再見二丁目》（1997年） 《少女的祈禱》（2000年） 《可惜我是水瓶座》（2003年） 《小城大事》（2004年） 電影： 《新紮師妹》（2002年） 《志明與春嬌》（2010年） 《春嬌與志明》（2012年） 《五個小孩的校長》（2015年） 《春嬌救志明》（2017年） 電視劇： 《多功能老婆》（2019年）
活躍年代	1996年到而家
唱片公司	華星唱片（1995年至2000年） 新藝寶唱片（2001年至2003年） 香港維京（2004年至2006年） A Music（2007年至2009年） 華星唱片（2010年至2011年） 寰亞唱片（2012年至2020年） 華納唱片（2022年到而家）
經紀公司	華星唱片（1995年至2000年） 金牌娛樂（2001年至2006年） 紅館藝人管理（2007年至2009年） Lamb Productions（2010年至2012年） 寰亞藝人管理（2013年至2018年） 正向文化娛樂 （2018年到而家）
網站	楊千嬅官方網站
相關團體	華星三寶（1998年）
網路電影資料庫（IMDb）資訊
獎 香港電影金像獎 最佳女主角 2013年 《春嬌與志明》 – 余春嬌 香港電影評論學會大獎（中文：香港电影评论学会大奖） 最佳女演員 2010年 《抱抱俏佳人》 – 孫洛昕 萬千星輝頒獎典禮 最受歡迎電視女角色 2019年 《多功能老婆》 – 藍飛 其他獎 最受歡迎女歌星 – 十大勁歌金曲頒獎典禮 2002年、2008-2009年 亞太區最受歡迎女歌星 – 十大勁歌金曲頒獎典禮 2010年 叱吒樂壇女歌手金獎 – 叱吒樂壇流行榜頒獎典禮 2000年、2002年、2004年、2014年 叱吒樂壇我最喜愛女歌手 – 叱吒樂壇流行榜頒獎典禮 2002年、2005年-2007年、2009年-2012年 金曲金獎 – 十大勁歌金曲頒獎典禮 2000年 〈少女的祈禱〉 2004年 〈小城大事〉 歌曲大獎 – 四台聯頒音樂大獎 2000年 〈少女的祈禱〉 2004年 〈小城大事〉 至尊唱片大獎歌手及監製 – 叱吒樂壇流行榜頒獎典禮 2004年 《電光幻影》 大碟大獎歌手及監製 – 四台聯頒音樂大獎 2004年 《電光幻影》 觀眾票選最受曯目女演員 – 華語電影傳媒大獎 2011年 《志明與春嬌》 – 余春嬌 最受大學生歡迎女演員 – 北京大學生電影節 2016年 《可愛的你》 – 呂慧紅 最佳女主角 – 南方盛典頒獎典禮 2007年 《武十郎》 – 武十郎 最具人氣女演員 – 南方盛典頒獎典禮 2007年 《武十郎》 – 武十郎 幫港發聲我最討厭女歌手金獎：2019-2022

楊千嬅（2007年）

簡介

楊千嬅喺嘉諾撒聖家書院中學畢業，跟住入讀護士學校，攞到註冊護士資格。1995年參加新秀歌唱大賽攞第三之後入樂壇，簽約華星唱片。喺2000年約滿後，俾黃柏高邀請入咗新藝寶唱片。2004年，黃柏高喺新藝寶唱片同埋佢嘅聯營公司（正東唱片）度走咗，自立門戶成立金牌娛樂，楊千嬅亦跟住加入。2007年，藝人黎明嘅唱片公司A Music用高價請佢加盟。2010年，楊千嬅重投東亞娛樂旗下嘅華星唱片，同年開世界巡迴演唱會，隻演唱會DVD好賣到攞埋IFPI銷量大獎。

電影方面，楊千嬅第一套擔正女角嘅戲係2001年嘅《玉女添丁》。之後嗰一年，2002年，由楊千嬅同吳彥祖領銜主演嘅《新紮師妹》令佢傻大姐嘅形象更加深入民心。至於近年楊千嬅最為人知而又受熱棒嘅電影作有《志明與春嬌》系列嘅三套電影。2019年，楊千嬅以第一女主角身份，首次同天王影帝郭富城合作拍攝電影《麥路人》，入圍《第32屆東京國際電影節》「亞洲未來」單元。楊千嬅同郭富城，仲有導演黃慶勳喺10月出席《麥路人》全球首映及分享會。^[2]

個人生活方面，楊千嬅2009年同丁子高結婚，2012年中生咗個仔。

影視作品演出

内文：楊千嬅影視作品一覽

電影

年份	第一女主角	領銜主演	客串
1998年		《烈火青春》 《全職大盜》
2001年	《玉女添丁》	《百分百感覺2》
2002年	《新紮師妹》 《乾柴烈火》	《慳錢家族》
2003年	《行運超人》 《新紮師妹2美麗任務》 《地下鐵》 《安娜與武林》		《龍咁威2003》
2004年	《花好月圓》 《煎釀叄寶》 《餃子》	《三更2》	《甜絲絲》 《冒牌天皇》
2005年	《千杯不醉》
2006年	《天生一對》		《四大天王》
2007年	《每當變幻時》
2010年	《志明與春嬌》 《抱抱俏佳人》	《財神到》
2011年			《建黨偉業》 《戀夏戀夏戀戀下》 《白蛇傳說》
2012年	《春嬌與志明》		《低俗喜劇》
2014年	《香港仔》 《單身男女2》		《六福喜事》 《分手100次》
2015年	《五個小孩的校長》 《哪一天我們會飛》
2016年		《寶貝當家》
2017年	《春嬌救志明》
2018年			《棟篤特工》
2019年			《恭喜八婆》
2020年	《麥路人》
2021年		《梅艷芳》

電視劇

年份	第一女主角	領銜主演	女配角	客串
1997年			《隱形怪傑》 《美味天王》
1998年	《外父唔怕做》
2001年		《美味情緣》
2002年				《百分百感覺》
2004年				《快樂2004》
2006年				《老馮日記》
2007年	《武十郎》	《讓愛自由》 《森之愛情》
2009年		《鐵齒銅牙紀曉嵐4》		《廉政行動2009》
2019年	《多功能老婆》

演唱會紀錄

個人演唱會

Ladies & Gentlemen 楊千嬅世界巡迴演唱會

香港個人演唱會一覽
日期﹝香港站﹞	演唱會名稱	場數﹝香港站﹞	場地﹝香港站﹞	主題曲	世界巡迴地點﹝非香港站﹞	備註
2000年9月21-22號	京都念慈菴 My concert花樣千嬅演唱會2000	2	紅磡香港體育館（三面台）	放煙花		首次踏上紅館開演唱會 未有收錄任何專輯
2002年8月16-22號	Biotherm 楊千嬅萬紫千紅演唱會2002	7	紅磡香港體育館（四面台）	金曲當年情		首次以四面台演出
2004年2月6-10號	京都念慈菴 楊千嬅演唱會開年大典VOL 3	5	紅磡香港體育館（四面台）	開大	美國、多倫多、溫哥華、澳洲、廣州、台山、馬來西亞、番禺	首次展開世界巡迴
2007年10月12 -16號	六福FOREVERMARK楊千嬅All About Love 2007 演唱會	5	紅磡香港體育館（四面台）	不認不認還需認	拉斯維加斯、多倫多、馬來西亞	未有收錄任何專輯
2010年10月7-11號	Ladies&Gentlemen楊千嬅世界巡迴演唱會 2010	5	紅磡香港體育館（四面台）	斗零踭	澳門、廣州、佛山、馬來西亞	出道15周年演唱會 因為有咗取消其他地方巡迴
2015年1月24-28、30-31號	六福珠寶呈獻 楊千嬅 Let's Begin 世界巡迴演唱會2015	7	紅磡香港體育館（四面台）	好不容易遇見愛	廣州、澳門、新加坡、佛山、馬來西亞	出道20周年演唱會
2017年12月23-31號、 2018年1月1-2號	友邦保險呈獻 楊千嬅三二一GO！演唱會	11	紅磡香港體育館（三面台）	Wonder Woman		首次紅館跨年演唱會，個人最多場數
2020年	My Beautiful Live 楊千嬅世界巡迴演唱會		（三面台）	穿越	中國、澳洲、紐西蘭、美國、加拿大、澳門、英國、馬來西亞、新加坡	首次展開大型世界巡迴
2020年12月23號-26、31號、 2021年1月1號	MY Gratitude 25 楊千嬅演唱會 2020	6	紅磡香港體育館（四面台）		珠海	出道25周年演唱會 因為有武漢肺炎病患者到訪紅館而取消

音樂會 / 其他演唱會

年份	音樂會 / 其他演唱會名
1999年	加洲紅紅人館 楊千嬅 903狂熱份子音樂會
2001年	Music is Live Miriam 楊千嬅拉闊音樂會
2002年	捷榮·新城·悠然空間楊千嬅音樂會
2003年	Music is Live 黃耀明 X 楊千嬅拉闊音樂會
2005年	楊千嬅 X 林一峰拉闊音樂會
	萬紫千嬅十年一晚夜
2006年	百威楊千嬅Fiva Live演唱會 - 佛山 / 廣州 / 中山 / 昆明 / 順德
	古（古巨基）舞飛楊（楊千嬅演唱會
2007年	Moov Live楊千嬅新碟預演音樂會
2008年	拉闊音樂會 楊千嬅 X 郭偉亮 X 農夫
	Moov Live!2008
2011年	903 id club拉闊音樂會 陳奕迅 x 梁漢文 x 楊千嬅
	楊千嬅Minor Classics Live 音樂會
2014年	拉闊音樂會 楊千嬅 X 羅力威 X 許廷鏗 X 藍奕邦
2017年	楊千嬅“一呼萬in”突然想起余春嬌唱游會
2017年	拉闊音樂會 一千零一個楊千嬅的故事
2018年	AIA主辦：楊千嬅 X 杜德偉音樂會
2019年	MOOV LIVE Miriam x Supper Moment 音樂會

部分公職

• 中國音樂家協會會員^[3]

爭議

因應佢本身嘅知名度，楊千嬅嘅演技同歌藝有時會成為香港人討論嘅對象，但係更加爭議嘅係佢嘅政治立場^[4]，仲有關於佢借運嘅指控。

政治立場相關

喺香港反送中運動入面，佢一度以R.I.P弔念喺運動期間墜樓身亡嘅抗爭者，但之後貼文遭刪除，佢話自己嘅Instagram俾人盜用，仲發表愛國聲明。去到2019年12月，佢參與澳門回歸20年文藝晚會嘅演出，喺全國直播之下，佢代表香港嘅歌手同中國國家主席習近平握手，結果引嚟好多網民嘅批評，甚至引用佢其中一首歌《烈女》嘅歌詞，話佢已經變成奸妃^[5]。

去到2021年1月，網絡媒體幫港發聲搞咗一個「滴答樂壇我最討厭的頒獎禮」，楊千嬅喺網民投票當中，攞到95,322票，成為「我最討厭的女歌手」，得票係第二至第五名（肥媽、劉美君、黎瑞恩同埋譚嘉儀）得票總和嘅兩倍^[6]。

被指「借運」

楊千嬅曾經被指唔止一次為咗事業有起色而借運，其中第一次係喺佢咗出道，佢第一隻碟唔賣得面臨被唱片公司放棄，跟住就搵咗茅山術士幫手向觀音借運^[7]。而曾經為商人龔如心種生基嘅風水師傅俞志麟亦自爆自己曾經為楊千嬅種生基借運^[8]。而去到2011年，楊千嬅又被指為咗生仔再次借運^[9]。不過，呢啲說法就被楊千嬅否認。

2022年香港演唱會滯銷風波

2022年，楊千嬅喺香港進行演唱會，但傳出門票滯銷，楊千嬅開Show前為免場面冷清，要去到送飛嘅地步。其中事件涉及保良局副主席李何芷韻，之後李何芷韻就向傳媒表示，係佢購買楊千嬅演唱會門票送贈，而佢老公兼經理人就話唔知情。去到開Show嘅時候，亦有傳媒拍攝到，現場有唔少空位都有黑布遮住，以避免尷尬場面^[10][11][12]。

參考

1. 〈大笑姑婆原來憂鬱情緒化〉。《香港蘋果日報》。2003-07-18。原著喺2018-06-27歸檔。喺2022-02-05搵到。
2. 〈【麥路人】城城千嬅分享拍攝點滴 「香港電影係有熱心人嘅！」〉。《明周娛樂》 (美國英文)。2019-10-30。原先內容歸檔喺2019-11-05。喺2019-11-05搵到。
3. 〈會員 | 中國文聯及其所屬各全國文藝家協會香港會員名單〉。《中國文學藝術界聯合會香港會員總會》 (香港中文)。喺2024-08-31搵到。
4. 〈由磊落做人去到心口得個「共」字：最後一次談論楊千嬅 | 逆嘶亭 | 立場新聞〉。《立場新聞 Stand News》 (英文)。原先內容歸檔喺2020-12-03。喺2021-01-07搵到。
5. 自由時報電子報 (2019-12-21)。〈低胸裝握手習近平 楊千嬅遭酸民諷「奸妃」 - 自由娛樂〉。《自由時報電子報》。原先內容歸檔喺2021-01-08。喺2021-01-07搵到。
6. 〈譚詠麟撼贏周柏豪奪「我最討厭的男歌手」 楊千嬅冇對手下奪女歌手獎 ｜ 蘋果日報〉。《Apple Daily 蘋果日報》 (香港中文)。原著喺2021-01-09歸檔。喺2021-01-07搵到。
7. 〈楊千嬅被爆疑全靠「高人」借足8年大運登頂天后寶座！現遭網友嘲：時機一過即跌下神壇〉。SundayMore (美國英文)。2023-01-05。喺2023-04-20搵到。
8. 〈剃黎明眼眉跳槽吸半億楊千嬅再借3年大運〉。《快週刊》。644。
9. 〈楊千嬅借運十年後遺症需用自身名利換子女〉。《快週刊》。665。
10. 邱愛霖 (2022-12-15)。〈獨家︱楊千嬅開騷派200張飛畀學生 保良局副主席：適合年青人睇〉。《香港01》 (香港中文)。喺2024-08-31搵到。
11. 胡凱欣 (2022-12-14)。〈楊千嬅演唱會有人網上派飛畀學生入場 丁子高：你哋問到我先知〉。《香港01》 (香港中文)。喺2024-08-31搵到。
12. 新假期 (2022-12-18)。〈楊千嬅演唱會 | 數度感動痛哭：我一定會返嚟開演唱會 唯網民反應刻薄冷淡〉。《新假期》 (中文)。喺2024-08-31搵到。

出面網頁

• 楊千嬅嘅Instagram頁
• 楊千嬅嘅facebook頁
• 楊千嬅嘅新浪微博
• YouTube上面嘅楊千嬅嘅頻道
• 楊千嬅喺互聯網電影資料庫嘅資料（英文）
• 楊千嬅喺香港影庫嘅資料（香港繁體）
• 楊千嬅喺時光網嘅資料（大陸簡體）
• 楊千嬅喺豆瓣電影嘅資料（簡體中文）