呢篇文講成個東京嘅地下鐵系統。想搵系統入面嘅「東京地下鐵」網絡嘅話,請睇東京地下鐵。東京嘅地下鐵(日文:東京の地下鉄/とうきょうのちかてつ Tōkyō no chikatetsu)覆蓋日本東京及周邊地區,目前由東京地下鐵公司經營嘅東京地下鐵同埋東京都交通局經營嘅都營地下鐵組成。成個系統頭一段響1927年通車,而家已經有13條線、285個站,有304.1公里長。
東京地下鐵系統兩間公司嘅地下鐵
東京嘅地下鐵除咗服務東京都23區內嘅交通之外,亦都兼顧來往郊區以及首都圈其他縣嘅交通,尤其係以佢同各個私鐵嘅直通運行服務嚟提供跨區服務。地下鐵、JR同埋私鐵共同組成咗首都圈龐大而密集嘅鐵路網。