新加坡總理、人民行動黨秘書長 From Wikipedia, the free encyclopedia
李顯龍(英文:Lee Hsien Loong,1952年2月10號—)係現任星加坡總理,同時做埋財政部長。
![]() | 呢篇文側重咗喺部分見解、事件或爭議。 |
李顯龍係星加坡第一任總理李光耀個大仔,佢嘅政治生涯曾被指控為裙帶關係同世襲專政[1][2][3]。佢現任老婆何晶就係星加坡財政部全權擁有嘅淡馬錫控股嘅行政總裁。而細佬李顯揚就係星加坡前進黨籍政治人。
李顯龍喺新加坡言論同埋新聞自由嘅問題上備受一啲國際社會嘅非議,而新加坡幾乎所有媒體資源都掌握喺執政黨手中[5]。2016年11月2號,非政府組織無國界記者將李顯龍列入「新聞自由掠奪者」名單[6][7]。另外,英國自由民主黨黨魁提姆法隆亦曾經話過,英國若果要同新加坡進行貿易往來,應該喺進行貿易商談嘅時候,討論新加坡言論同埋新聞自由嘅問題。對於呢啲批評,李顯龍喺2017年2月接受英國廣播公司(BBC)節目 「Hard Talk(唇槍舌劍)」 嘅時候就反問點解其他人會想教佢點樣管理新加坡,又話新加坡係全面開放嘅國家,但無一種道德標準或價值判斷適合套用喺所有國家身上[5]。
喺2021年,無國界記者更新咗呢張名單,李顯龍繼續上榜[8]。
2019年5月31號,李顯龍喺Facebook貼文哀悼泰國前總理炳廷素拉暖,表示廷素拉暖擔任泰國總理期間,東南亞國家聯盟正對抗越南入侵赤柬:“泰國處喺最前線,睇著越南軍隊越界進入柬埔寨,廷素拉暖堅決反對呢種情況,因此與東協成員國喺國際論壇上,一起反對越南入侵(赤柬)。”。渠同日喺第18屆“香格里拉對話”(Shangri-La Dialogue)開幕晚宴上演講,也再次提及越南入侵赤柬[10]。李顯龍慨“入侵講”引起越南強烈唔滿,越南外交部發言人黎氏秋姮(Lê Thị Thu Hằng)於6月4日稱,對於未陳述歷史原貌,造成負面公眾印象嘅言論感到“遺憾”[11]。6月6日,柬埔寨首相洪森喺Facebook上,強烈譴責李顯龍就越柬關係發表嘅言論,同時認為,新加坡領導人當時確實參與殺害柬埔寨人民,支持種族滅絕制度並希望該制度重回柬埔寨[12][13][14]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.